Mbeeñil 1:8 - NQAARIIT NE ROOG

⁸ O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

Mbeeñil 1:8 Referans Kwoze

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

Mbeeñil 22:13

Mi refu Alfa fa Omega, o eetaand oxe fo o palakaand oxe, mberaandoong ne fo muukandoong ne.»

Esayi 43:10

O Yaal oxe kaa tee: «Nuun ndefu seede es, ndef o tag es oxe jiluuma. Ke buguuma refu nu and, ngim too njaɓ ee mi yoo. Jegee roog fa lakas faa adooxaxama, too jegkee fa lakas faa reefanaxama.

Esayi 48:12

«Nan-gilooxaamoo, nuun xeet fee Yakoob, wo Isra’el fee xoyuuma. Mi yoo! Mi refu o eetaand oxe fo o palakaand oxe.

Mbeeñil 21:6

Naaga, a doona teen ee: «Fop a fadnooxa! Mi refu Alfa fa Omega, mberaandoong ne fo muukandoong ne. Oxuu hoɗomeena, xam ci’in no fud o letu ta yer na cur foofi le na ñoownaa.

Esayi 41:4

An garu fo keene xewna? Ten refu oxe na xoyaa suk no wiin wuu ndefna no kaa xotitna no mberaand naa. Mi o mat oo, mi o Yaal oxe. Mi refu o eetaand oxe, too mi na refkahinaa fo we na mbalakkaa.»

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

Mbeeñil 11:17

«Wo o Yaal oxe Roog o Cegu katil oxe, in we ngidmang, wo fee refna oxe na maadaa fo xe reeƭna, yaam ne pokooxoona katil maak ne wo soo maadooxaa.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

Mbeeñil 4:8

Pindel nahik keene fop koy, oxuu refna na den a nafir ɓetaa fo leng a sax’u. Muu refna na nafir akeene kaa sax’u a kid, took fee fo yoora fee. Ñaal fo o yeng mbindel nuu refna kaa gimoogu yee: «O Yaal oxe Roog o Cegu katil oxe reeƭna fo xe na maadaa fo xe na garaa, kaa ted! Kaa ted! Kaa ted!»

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Mberaand 49:25

Kaam ee, Roog fee na faap of xan a ƴufgiidong, o Cegu katil oxe xan a barke’ong. Yaasam ta fod took-ee-took a barke’tiidong a teƥ fo itam poofi ke na juwaam fee fo xa ƥiy xa mayu fo xa siir xa pagkatar.

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Mbeeñil 16:14

Cini keene koy na mbi’aa xa anddiloor, kaa ndet farna fo maad we na adna fee fop, ndax da mbokat a den, da ñoxorkel no ñaal maak ne Roog fee jegna katil.

Mbeeñil 21:22

Ga’iim Mbind Roog leng kam teeru fee, yaam o Yaal oxe Roog fa njegu katil fee refu Mbind Roog um, ten fo o Mbaal onqe.

A sutax ale 6:3

Feeñooxaam a Abraham fa Isaak fa Yakoob nen a ‹ROOG O CEGU-KATIL OXE›, ndaa koy, andnooriim a den ke gon es le refna ‹O YAAL OXE› a tekitna.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Mberaand 35:11

Roog a layaan ee: «Mi refu Roog o Cegu katil oxe. Xam ci’ong xa ƥiy fo xa taan xa mayu. Saax fa xeet fa muum sax xan a mbaqaqoor na wo, maad a sutoor na wo.

Mberaand 28:3

Yaasam Roog o Cegu katil oxe a barke’ong, a saqtinong, a mayƭandong, ndax o refat o taan no qeet mayu.

Mberaand 17:1

Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!

A lim ale 24:4

Keeke refu ke um layaa, mi fee na nanaa fa lay fee Roog, daawaa peeñax ke no Cegu katil oxe, yenaa leer, soo a kid es a mbetoox.

Mberaand 43:14

Yaasam Roog o Cegu katil oxe a fi boo o koor oxeene a jeg o liir na nuun, soo a xaƴ o pog faap oxe nuun fa Bensame da nomtooxiid fa nuun! Mi o mat, a soƥangaa yee kaam war o xaajel fo xa ƥees, fat um xaajel fa den.»

Mberaand 48:3

Yakoob a laya a Yoseef ee: «Roog o Cegu katil oxe a feeñoor’axam Luus no saax laa Kanaan, soo a barke’aam.

A sutax ale 3:14

Maaga, Roog a laya a Moyiis ee: «MI REFU OXE REFUUMA.» A ɓaata teen ee: «Neeke o mat o doonkaa Ii-isra’el we: Oxe ne’eena MI REFU, luliidaxam me nuun.»

Mbeeñil 15:3

Kaa nqaanoogu a kim ale Moyiis fee o tag Roog, a nqaanaa itam a kim ale no Mbaal onqe Roog. Kaa nqaanoogu yee: «O Yaal oxe Roog fee jegna katil, a pi of kaa magin, too a mos! Wo daali maad no qeet ke! Mee ndax yuuƥ ke wo kaa njof, too ndigil kak a ndefu.

Mbeeñil 16:7

Cinj kaaga, nanaam o ñuxur olaa inoorna no sadaxand ole a lay ee: «O Yaal oxe Roog fee jegna katil, kate ke wo ndigil kak oo, too a njofa.»

Mbeeñil 19:6

Cinj kaaga, nanaam o ñuxur no faan maak ta fangoortaa nen poofi cegu doole kaa na nqawraa, a saxit nen fangax ƭuuɗ maak. Kaa xaanoogu yee: «Haleluyaa! O Yaal oxe Roog in fee jegna katil, oxe maadooxaa!