Mbeeñil 1:7 - NQAARIIT NE ROOG

⁷ «Ngela ƭeeteenoo, oxe garaa ndeer a eel ake! Xan wiin we fop a ndaxaaƴoox, a nga’in boo no we ndib’uuna sax. Xan qeet ke fop a njoytoox yaam o ten.» Ii, neene a refitkaa! Amiini!

Mbeeñil 1:7 Referans Kwoze

Mace 24:30

Maaga koy, xan o anddiloor ole no Ƥeenqe no kiin oxe a feeñit na asamaan. Xan o qeet oluu refna no lanq ke a faɗoox, too xan a nga o Ƥeenqe no kiin oxe a garaa took a eel ake na asamaan, a yoon fa katil fo o ndam o maak.

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

Dañel 7:13

Ga’ahinaam no mbeeñil ne mi kam o yeng ole oxaa nandtoogna o ƥiy no kiin ta garaa ndeer a eel ake. A fadiida me na Koorgi le, a matandiidel mbaambir um.

YEGIL MBAAX NE YEESU ne Saŋ a bindtuuna 19:37

A jega maa a Pind a Tedu ke a laytahinna yee: «Xan a ndaxaaƴooxaa oxe da ndibna.»

Mark 14:62

Yeesu a doonaan ee: «Mi refun moos, too xan nu nga o Ƥeenqe no kiin oxe a moof na ñamaak no Cegu katil oxe, soo a garaa took a eel ake, a inoortiid na asamaan.»

YEGIL MBAAX NE YEESU ne Lik a bindtuuna 21:27

Maaga, xan a nga o Ƥeenqe no kiin oxe a garaa took eel, a yoon fa katil fo o ndam o maak.

1 Tesalonik 4:17

Cinj kaaga, in we ta soƥkaa i ñoowaa, xan i yoɗooxandoor fa den kam a eel ake, nqetik fo o Yaal oxe took, soo ndef fo ten boo kili.

1 Tesalonik 1:10

cungaa yaa o Ƥeenqe ten a inoortiidkaa na asamaan. O Ƥeem onqeene koy, Roog a xontooxnooraan a ndeer no xon we. Ten refu Yeesu fee na wataa a in na qaw ale Roog na garaa.

Mark 13:26

Maaga, xan wiin we a nga o Ƥeenqe no kiin oxe a garaa took a eel ake, a yoon fa katil maak fo o ndam.

Yudaa 1:14

Henok, o taan ɓetuu fa lengandeer xotitna na Aadama, a yegnita yaaga padafuleer kaa jofna na den ee: «Nan-gilooxyo, xan o Yaal oxe a gar, a yoon fo cuni-cuni ke mbogna fo ten.

Mace 26:64

Yeesu a doonaan ee: «Wo ne’un! Too mexe layaa a nuun ee: Xan nu nga o Ƥeenqe no kiin oxe a moof na ñamaak Roog o Yaal katil, soo a garaa took a eel ake, a inoortiid na asamaan.»

Mbeeñil 22:20

Oxe feedinna kene a laya yee: «Ii, mexe garaa no miñeer!» Amiini! Gari, o Yaal oxe Yeesu!

A kim a tedu ke 22:16

A peep es oxe weera kaŋ nen keew, ɗelem es a taƥ no faƭanq es. Mi kañ, xonaam boo ƴut.

1Saŋ 3:2

Fog es we fexuuma fex, ndiiki xa ƥiy Roog i ndefu, too ke i ndefkaa laltafulaand. Kaa koy, i anda yee yaa Kiristaa a feeñkaa, xan i nand fo ten, yaam xan i nga’in ne ta nandna nand.

A kim a tedu ke 97:2

Eel fo o niɓaan kaa mbidin, uum-maamaad um a diƈoox no cofel fo na ƭat.

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,

Ke bindeena no xe ne’eena YOB 33:26

A xeɗangaa a Roog, xan a jaaɓin. Xan a faɗooxan fo xa ƈeel, yaam ne Roog a daknuuna no sagu um.

Esayi 19:1

Ke na dalkaa a Misira: O Yaal oxe xey, a garaa Misira kam eel ñofu. Pangool ke Misira owe sendaa mbaambir um, soo njambaar ne no Miimisira we a ɓutaa kam den.

Nahum 1:3

O Yaal oxe kaa muñantaa, doole um a magin, ndaa ñakkee o xaw oxe tooñna. O Yaal oxe kaa ñaaƴaa kam a saaqul ale, a ƭat um a ref kam a und ale, a eel ake a ndef fo ut ole a caf um a yetnaa.

YEGIL MBAAX NE YEESU ne Saŋ a bindtuuna 19:34

O leng no xiixire we a dibaan a salma no ɓemb, too ndak fo ndak a wata po’oy fa foofi.

A lim ale 24:17

Kaam ga’an, ndaa refee ndiiki. Kaam ɗeetan, ndaa matee. O xoor oley a feeñtiidaa ndeer xa taan axe Yakoob, kaam ee o samb oley a sutoortiidaa ndeer xeet fee Isra’el. A fada Moomowaab we no xoox, soo xa taan axe Set fop, ta maaf a den.

A kim a tedu ke 68:1

O yaal a ƭat ale no jeejeek we a xoolne yee a kim a tedu lene kaa fog na ke Dawid. A kim oo.

Haahate we 5:31

O Yaal oxe, neene fañ of fop a nqontaa, soo we mbexoonga o mat a nand fo njeeƈ naa na wataa a qool qac. Maaga, saax le a reeƭata na jam boo xa kiid qarɓeen nahik.

Mbeeñil 22:4

Xan a nga mukit um, too gon um xan a bindel took a tagid den.

Hebre 6:6

soo a mbes o ngim den a cinj. Dara waagatee o tax da ndicooxatin boo a mbes pakaad den a cinj, yaam den fa qoox den kaa ndengatinaa o Ƥeenqe Roog na kurwaa soo a mbennooran no ke da mbi’aa.

Sakari 12:11

A koom, ƭomatax maak xan a jeg kam Yeerusaleem, nen ƭomatax ne took Hadad-Rimon na yulanq alaa Megido.

Mace 16:27

O Ƥeenqe no kiin oxe xan a gar kam o ndam Faap um, a yoon fo malaaka um, soo a ɓoxot o kiin oo kiin a pi um.

Mace 16:28

No ndigil, mexe layaa a nuun ee: Leng-leng no we ndefna meeke nqonkee, too nga’ee o Ƥeenqe no kiin oxe a garaa kam maat um.»

Mace 25:31

«Yaa o Ƥeenqe no kiin oxe a garkaa kam o ndam um, a yoon fo malaaka ke fop, xan a moof no gamb no maad le ten jegna o ndam.