Mbeeñil 1:5 - NQAARIIT NE ROOG

⁵ fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

Mbeeñil 1:5 Referans Kwoze

A kim a tedu ke 89:27

Xan a xoyaxam ee: ‹Wo refu Faap es, wo ref Roog es, ɓil jaɓnooxand es.›

Hebre 9:14

A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Mbeeñil 17:14

Xan a song o Mbaal onqe, ndaa xan o Mbaal onqe a maaf a den, yaam ten refu o Yaal oxe no yaal we fo o Maad oxe no maad we. Ten fo we mbogna no ten, ndefna we nqoyeena fo we njileena fo we ngimna, xan a maafandoor a den.»

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

1 Piyeer 1:19

ndaa fo’oy fo jegu njiriiñ ole Kiristaa, sadaxteena nen o mbaal o njegee sik fo gak.

A pi ake 26:23

Xan o Muumucil oxe regteena a coono, a ref oxe eetna o xontoox a ndeer no xon we, too xan a yegnaa xeet in fo qeet lakas ke a qoolaand ale.»

Mbeeñil 19:16

No ndoki ne ten fo na ñaal ale ten gon lene a binde: «O Maad oxe no maad we fo o Yaal oxe no yaal we.»

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

YEGIL MBAAX NE YEESU ne Saŋ a bindtuuna 18:37

Pilaat a layaan ee: «O maad refo boog?» Yeesu a doona yee: «Ne’aano boo ƴut, o maad refum tigi. Kaam rimel, gar na adna fee, ndax um seede’anaa ndigil ne. Oxuu fogna no ndigil ne kaa nan-gilooxaa o ñuxur es.»

Mbeeñil 3:14

«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

Mace 28:18

Yeesu a matiida a den, a lay ee: «Ci’eem sañ-sañ fuu refna na asamaan fo na adna.

A kim a tedu ke 72:11

Maad we fop xan a ngung mbaambir um, qeet ke fop a ndagooxin.

1 Timote 6:15

Yaa hap fee a fadna rek, Roog a ɓisiidkan. Roog feene refu o leng kut oxe jegna katil, a hel o simatel, a ref o Maad oxe no maad we fo o Yaal oxe no yaal we.

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

Dañel 7:14

A ɓoxote ngelfa fo o ndam fo maat, ndax qeet ke fop fo a saax ake fop fo wiin we no lak ke fop a mbaɗooxin. Ngelfa ne ten xan a ref boo faw too jegkee muukandoong, xan a maadoox bo na moos boo moos.»

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

Esayi 55:4

Fi’’aanum o seede no qeet ke, dalnin nen kelfa fo o yaal a saax ake.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

1 Timote 6:13

Mbaambir Roog fee na ñoownaa kuu refna fo mbaambir Kiristaa Yeesu fee lay’ina ndigil nqoolu qac maa Poons Pilaat, mexe heblang,

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

YEGIL MBAAX NE YEESU ne Saŋ a bindtuuna 15:9

Ne Faap fee a fextaxama, fextum a nuun, yaaga koy, ngenyo no mbeq es.

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

A cangatin ale 7:8

Kaa koy, o Yaal oxe kaa fex a nuun too a fadnana a nuun ke ta daaɓoox’ina fo daan nuun. Ten taxu a sutta a nuun o ɓay o jegu doole le ten no saax le nu ndeeƭna faɗ, a jaɓit a nuun na xa ƥay Firawon fee o maad Misira.

O leetar ole Pool a bindna GIMU WE NGENNA ROM 8:37

No keene fop koy, in mbaagu meen na pexey doole Kiristaa fee fexna a in.

YEGIL MBAAX NE YEESU ne Saŋ a bindtuuna 13:34

Mexe cooxaa a nuun kebil nqas: Fat nu mbexir! Kaam ee fat nu mbexrit, ne fextuuma a nuun.

YEGIL MBAAX NE YEESU ne Saŋ a bindtuuna 3:32

Kaa layaa ke ta ga’na, a nanin, ndaa koy o leng jaɓee seede um.

YEGIL MBAAX NE YEESU ne Saŋ a bindtuuna 3:11

No ndigil, no ndigil, mexe layang ee: Ke i andna i laytaa, too a refangee kaa i ndoonna a ngid, i naangee o seede’aa lakas, ndaa koy nu njaɓee ke i seede’aa.

A cangatin ale 23:5

Qeet keene nqetooxiid’ee a nuun fo ñaamel fa foofi, ye nu maad’ina o ndefaa na ƭat, cinj a sutax alaa nuun Misira. Kaa ndet’u Petoor kañ kam Mesopotami, a nqoyaniid a nuun a Balam fee o ƥiy Bewoor, a ndabdin ndax ta saloox a nuun.

Dañel 2:2

A xoyna maɗag we, ɗeet we, ñaañango we fo fan we, ndax da layin ke ta ɗaaɗna. Yaa waaga a mbadiidna boo a ngeenoox mbaambir um,

A kim a tedu ke 51:2

Kaa naxooxaa ngenar ne no tuleer Natan me Dawid cinj ye oxeene a seeqna fa Batseeba.

Xa peƭit axe 14:5

O seede paax maaɓkee, o seede maamaaɓ oxe mat cegeer rek a layaa.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

Mbeeñil 11:3

Xam luliid seede ɗik we mi da njo’tanaxam, a ñaawoor xa saaku boo ñaal juni fo ñaal teemeed ƭik fo ñaal qarɓeen ɓetuu fa leng.»

Mbeeñil 19:11

Cinj kaaga, ga’aam asamaan fee a wetoox, too pis bari a feeña. Oxe ŋaay’uuna koy Gor fo Ndigil a ne’e. O cofel a hate’taa, a maafriteel o ten.

A paɗax ale 13:58

Boo ndikoorik naa xuurna a laxadeena, ta ref ñirax mbaat a naf a ño’te o ɓay mbaat o ƥaxañ o jalte ƭool, soo a quur ale a wat, a ware o laxad jaf ɗikandeer, ndax ta xool.»

A cangatin ale 18:2

Njegkee lanq a ndeer no Ii-isra’el we, yaam a las den refu yee da njalanaa o Yaal oxe, ne ta laytuuna a den.