Mbeeñil 1:3 - NQAARIIT NE ROOG

³ We na njangkaa safe lene a ƭaaya. We na nankaa fa lay fee no nduleer ne ten, soo a ngeek ke bindeena teen a ƭaaya itam. Yaam waxtu fee keene fop a warna o xew a matiida.

Mbeeñil 1:3 Referans Kwoze

YEGIL MBAAX NE YEESU ne Lik a bindtuuna 11:28

Maaga, Yeesu a doonaan ee: «We na nan-gilooxaa fa lay fee Roog, soo a ngayan kañ ƭaayu!»

Mbeeñil 22:10

Cinj kaaga, Yeesu a layaxam itam ee: «Ba o ɗasin muk fa lay fee no nduleer ne Roog bindeena no safe lene, yaam waxtu fee keene a hapaneena fop a matiida.

O leetar ole Pool a bindna GIMU WE NGENNA ROM 13:11

Mbi’yo neene boog, too kaa jolna keene sax, nu anda me jamaane fee a tolooxna. Waxtu fee nu mbarna o yokoox a fadiida. A muc ale a moƴa o matiid a in ndiiki ee ne i ngimit’uuna yaaga.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

Xa peƭit axe 8:34

O kiin oxe na nan-gilooxaxam, a geenooxaa no don-maax es ñaal oo ñaal, a cungaxam no begax es, a ɗaaya,

Mbeeñil 22:12

Yeesu a layahina yee: «Nan-gilooxi! Mexe garaa no miñeer! Xam ɓislooxiid tabid ke, o kiin oo kiin, um ɓoxotin ke ta fi’na.

2 Piyeer 3:8

Kaa koy, nuun we fexuuma, a jega tig leng kaa nu mbareerna o ñak-o-and, ten refu yee: Mbaambir no Yaal oxe, bes fa leng kaa ref nen xa kiid juni, soo xa kiid juni a ndef nen a bes fa leng.

Mbeeñil 22:20

Oxe feedinna kene a laya yee: «Ii, mexe garaa no miñeer!» Amiini! Gari, o Yaal oxe Yeesu!

Mace 24:15

«Xan nu nga ‹Cakalaaru ke sibdeena›, o tuleer Dañel a ne’oogna, ta fod no mbiñ o tedu nqe. Oxuu na jangaa a ƭelem akene, fat a wootoox a paax!

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

Mbeeñil 3:11

Mexe garaa no miñeer! Pokooxi ke jegoona, ndax o leng jangkee o ndip onqe daawtoona no njom ne.

Yeremi 51:61

Yeremi a laya a Seraya yee: «O fadangaa Babilon, fat o fi fop boo jang a maak fa lay fene fop.