Mbeeñil 1:2 - NQAARIIT NE ROOG

² Keeke refu ke Saŋ a woorinna: Fop ke ga’uuma fa lay Roog oo fa seede Yeesu Kiristaa.

Mbeeñil 1:2 Referans Kwoze

1 Korint 1:6

Ke seede’aneena a Kiristaa a gena na nuun,

Mbeeñil 12:17

Maaga, Niŋki-naŋka a fuuxana o tew oxe, too a reta a ñoxorik fo we yoq’ina na xa taan um, ndefna we na ngeekaa kebil ke Roog, too a ndam no ndigil ne Yeesu a feeñilna.

1Saŋ 1:1

In we mbindaa a nuun no kaa farna no kaa reeƭna no mberaand naa, ta ref fa lay fee no ñoow ole. Kaa i nanin, nga’in fo a kid in, ngorooxin, soo nduqin fo xa ƥay in.

YEGIL MBAAX NE YEESU ne Saŋ a bindtuuna 21:24

O taalbe xeene o mat seede’u keene, soo a bindin. I anda itam ee seede um a saƭka.

YEGIL MBAAX NE YEESU ne Saŋ a bindtuuna 19:35

Oxe doonna keene a ngid a layaan, too ke ta layna ndigil oo. A anda xil itam ee ndigil a layu. Kaa layin, ndax nuun oo nu ngim.

Mbeeñil 1:19

Bindi boog ke ga’oona, ta ref ke na xewaa ndiiki fo ke na xewkaa.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

A pi ake 26:16

Inooxi too geenoox! Kaam feeñooxong, ndax um fi’ong o tag es. Xan o ref o seede es, layaa lakas we ne ga’taxamoona xaye, ndax o yegnaa a den ke um lalkahinang.

YEGIL MBAAX NE YEESU ne Saŋ a bindtuuna 12:17

Fop waa ndeeƭna fa Yeesu yaa ta xoyna a Lasaar na mboy alaa, a xontooxnoorin, a seede’anaan.

Mbeeñil 6:9

Cinj kaaga, o Mbaal onqe a ñaƥta o ñaas o ɓetkandeer ole. Maaga, ga’aam yoora o sadaxand ole xa laaw axe no we mbar’eena yaam ne da yegnitoogna fa lay fee Roog fo ke da seede’anoogna a Yeesu no cofel.

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

1 Korint 2:1

Fog es, kaam bug nu and ee ye garuuma me nuun, yegnitiid fa lay fa kunpa’u fee Roog, reeƭee yee kaam gar’u, ndax um lal a nuun o fel-o-ɗek es mbaat o jeg-yiif es.

A pi ake 4:20

Yaam in o mat, i mbaagee o ñak o layit ke i nga’na fo ke i nanna.»

YEGIL MBAAX NE YEESU ne Saŋ a bindtuuna 3:11

No ndigil, no ndigil, mexe layang ee: Ke i andna i laytaa, too a refangee kaa i ndoonna a ngid, i naangee o seede’aa lakas, ndaa koy nu njaɓee ke i seede’aa.

YEGIL MBAAX NE YEESU ne Saŋ a bindtuuna 1:32

Saŋ a dakooxaan o seede’an ee: «Kaam ga Yiif le Roog a fudoortiidaa na asamaan, a saxit nen a nuukuur, soo a gar a dong took um.

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

3Saŋ 1:12

Demetiryus o mat, fop na seede’anan paax, boo no ndigil ne refna Yeesu Kiristaa fa xoox um. Mi itam no seede’anan paax genum, too andaa yee ndigil soom um seede’aa.

A pi ake 22:15

Yaam xan o seede’an o Cofu xe ten paam no wiin we fop, layaa ke ga’oona fo ke nanoona.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

Mbeeñil 22:21

Yaasam yirmande fee no Yaal oxe Yeesu a ref fo fop.