Mbeeñil 1:18 - NQAARIIT NE ROOG

¹⁸ fo xe na ñoowaa. Xon’aam, ndaa ndiiki mexe ñoowaa bo na moos boo moos. Mi saqu xa caafu xe na mbetaa jaaniif, ndax xon we a sutoox.

Mbeeñil 1:18 Referans Kwoze

O leetar ole Pool a bindna GIMU WE NGENNA ROM 6:9

I anda yee Kiristaa fee xontooxna a ndeer no xon we, xonatinkatee boo muk. Fa nqon fee jegatee no ten sañ-sañ fa leng.

Hebre 7:25

Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.

A kim a tedu ke 68:20

O ngidim a hela o Yaal oxe ñaal oo ñaal. Roog in kaa gadoox a in, ten fee o Muumucil in. A maaf

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

Esayi 22:22

Xam gadnin o jaafu le no mbind Dawid. A wetangaa, o leng wegkiran, too a wegangaa, o leng wetkiran.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Mace 16:19

Xam cooxong xa caafu xe no Maat ne na asamaan. Kuu humoona na adna fee, xan a humel na asamaan itam. Kuu woktoona na adna, xan a woktel na asamaan.»

Mbeeñil 20:14

Fa nqon fa jaaniif a njoore kam a mbeel fiɗel ale. A mbeel fiɗel aleene koy refu fa nqon fa ƭikandeer fee.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Mbeeñil 4:9

A mbanuu pindel nahik keene ngimoogna a simataa, a niwaa too a ngidmaa oxe moofna no gamb no maad le, refna oxe na ñoowaa bo na moos boo moos,

Hebre 7:16

Oxeene koy dodaand a reefandel no kebil no wiin, ndaa kaa dodel na pexey doole fee no ñoow o jegee muukandoong.

2 Korint 13:4

A neew’a doole lool no cer um, ye ta rengeel na kurwaa, ndaa oxe ñoowaa na pexey katil ne Roog. In itam, kaa i neew doole no ten, ndaa xan i ñoowaa fo ten na pexey katil ne Roog, too xan nu nga’in.

Ke bindeena no xe ne’eena YOB 19:25

Andaam o mat ee o baawat es oxe ñoowaa, too ten na jegkaa o ñuxur o faktaand took lanq ke.

Mbeeñil 9:1

Cinj kaaga, malaaka fa ƥetkandeer fee a luuƥa. Ga’aam o xoor a yentiidaa na asamaan, a waaƭiidaa a lanq. Kaa coox’el o jaafu le na ngas fiɗel alaa.

YEGIL MBAAX NE YEESU ne Saŋ a bindtuuna 14:19

Miñkatee dara, adna fee nga’katiraam, ndaa nuun, xan nu nga’aam, yaam mexe ñoowaa, too nuun itam xan nu ñoow.

Kolos 3:3

yaam kaa nu nqon, soo o ñoow nuun a fokatel fa Kiristaa na Roog.

A kim a tedu ke 18:46

a ñakaa njambaar soo a sendaa, yaa da sutooxaa toktal den.

Mbeeñil 5:14

Cinj kaaga, pindel nahik ke a ndoona yee: «Amiini!» Maak we o mat a ngooknoox, a mbaɗooxaa.

1 Sami’el 2:6

O Yaal oxe na jangaa o ñis, too ten na ñoownaa itam. Ten na ɓisaa o kiin jaaniif, a sutan teen.

Ke bindeena no xe ne’eena YOB 38:17

Ndax feeñlee xa ton-maax axe jaaniif, begax ke na fa nqon fee?

Mace 11:23

Wo Kapernawum o mat, ndax xan o yoɗel boo na asamaan? Ha’aa! Xan o fudnel boo kam jaaniif. A pi katil ake mbi’eena me wo a mbi’’ange kam Sodoom, a maadkooga boo xaye.

YEGIL MBAAX NE YEESU ne Lik a bindtuuna 24:5

Rew we a ndiid’a lool, too a ngunga a lanq. Kaa koy, goor we a laya a den ee: «Xar taxu nu mbaaƭaa oxe na ñoowaa a ndeer no xon we?

YEGIL MBAAX NE YEESU ne Saŋ a bindtuuna 11:25

Yeesu a layaan ee: «Mi refu a qontax fo o ñoow. Oxuu gimna na mi a ñoow, a xonangaa sax,

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

Mbeeñil 6:8

Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

Mbeeñil 10:6

A daaɓoorta oxe na ñoowaa bo na moos boo moos. Oxeene refu oxe sakna asamaan fo ke ta moŋna, a sak lanq ke fo ke ta moŋna, a sak o maag ole fo ke ta moŋna. Malaaka fee a daaɓooxa yee: «A cung jegkatee!

Mbeeñil 15:7

Leng no pindel nahik kaa a cooxa malaaka ɓetuu ƭik kaa fo mbeeƭ ɓetuu ƭik wurus naa mayna muut fo fuux le Roog fa ñoow jok fee na refkaa boo faw.

Mbeeñil 20:13

O maag ole a ɓoxota xon we ndeeƭna no ten, fa nqon fa jaaniif a ƥoxot xon we ndeeƭna na den. Den fop a ngate’e, oxuu refna na pi um.