Mbeeñil 1:17 - NQAARIIT NE ROOG

¹⁷ Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Mbeeñil 1:17 Referans Kwoze

Esayi 44:6

Keeke o Yaal oxe Hupna fop, a ref o Maad Isra’el fo o baawat um, a layu: «Mi refu o eetaand oxe fo o palakaand oxe. Jegee roog fa lakas, a refangee mi.

Mbeeñil 22:13

Mi refu Alfa fa Omega, o eetaand oxe fo o palakaand oxe, mberaandoong ne fo muukandoong ne.»

Esayi 41:4

An garu fo keene xewna? Ten refu oxe na xoyaa suk no wiin wuu ndefna no kaa xotitna no mberaand naa. Mi o mat oo, mi o Yaal oxe. Mi refu o eetaand oxe, too mi na refkahinaa fo we na mbalakkaa.»

Esayi 48:12

«Nan-gilooxaamoo, nuun xeet fee Yakoob, wo Isra’el fee xoyuuma. Mi yoo! Mi refu o eetaand oxe fo o palakaand oxe.

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

Dañel 10:15

Ye ta layaxam keene, lupandooxaam, naag tek.

Mbeeñil 1:11

Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Mace 28:4

Yeeyetax waa a ndiida boo a meeñaa.

Dañel 10:12

A doona teen ee: ‹Dañel, koo ba o diid, yaam fa lay of a nane no ke xotitna no ñaal mberaand ne neewandooxoona mbaambir Roog ndax o jeem o and, too fa lay of feene sax sax taxu um gar.

A sutax ale 20:20

Moyiis a doona xeet fee yee: «Ba nu ndiid, yaam Roog kaa ɗeetlooxiid a nuun, ndax nu saɗarin, too itam, ndax nu mbakaadkee.»

A sutax ale 14:13

Moyiis a doona xeet fee yee: «Ba nu ndiid. Moofyo o mbiñ o leng. Xaye xan nu nga ne o Yaal oxe a watitkaa a nuun, yaam Miimisira wene nu nga’aa, xaye nu ngijkataa o nga a den.

Mberaand 15:1

Ye keene a faafna, o Yaal oxe a daawna a Abram fa lay um no ƭaaɗ ee: «Abram, ba o saɗar! Mi fa xoox es refu pegoor of, too saɗig of xan a magin tigi.»

YEGIL MBAAX NE YEESU ne Saŋ a bindtuuna 21:20

Yaa Piyeer a reefanaa a Yeesu, a wiƈaqilooxa, a ga o taalbe xe Yeesu a fex’ina a reefanaa a den. Oxeene reeƭu oxe moof’ina paam Yeesu na cu’ax a palakaand alaa, too a laamit’un ee: «O Yaal oxe, an na ɓoxotkang?»

YEGIL MBAAX NE YEESU ne Saŋ a bindtuuna 13:23

O leng no daalbe we refna ref oxe Yeesu a fex’ina bo, kaa moof’u paam Yeesu.

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

A sutax ale 3:6

Maaga, a ɓaata teen ee: «Mi refu Roog fee na faap of, ref Roog fee Abraham fa Roog fee Isaak fa Roog fee Yakoob.» Moyiis a muurooxa, yaam kaa saɗaroogu o ɗeet a Roog.

Mace 14:27

Ndak fo ndak, Yeesu a laya a den ee: «Saƭakinooxyo! Ba nu ndiid! Mi yoo!»

Mace 28:5

Malaaka faa a laya rew we yee: «Nuun o mat, ba nu ndiid, yaam andaam ee Yeesu fee rengeena na kurwaa nu mbaaƭaa.

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

A kim a tedu ke 139:5

Kaa o saytooxaxam mbaambir oo, a cinj oo, o ɓay of, o doonin took es.

A ƭomatax ake 3:57

A koom alaa ƴufginooxoonga, matiidaa soo lay ee: «Ba o diid!»