Mbeeñil 1:16 - NQAARIIT NE ROOG

¹⁶ Kaa deegoox’u xa qoor ɓetaa ƭaq na ñamaak um, saamar a sutoortaa no don um, mukit um a meleƈaa nen njeeƈ njoloor.

Mbeeñil 1:16 Referans Kwoze

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

Mbeeñil 2:16

Fesi pakaad of a cinj boog, mbaat xam yen took of ndiiki, too xam maafit wiin weene saamar fee na sutooraa no don es.›

Mbeeñil 19:15

Laƥ mbeelu a sutoortooga no don um, ndax ta xawtin qeet ke. Xan a xurit a den o samb njelem, a mokand xa biiñ axe kam o nirir ole refna fuux ɗomu le Roog fa njegu katil fee.

Mbeeñil 2:12

«Bindanaam a malaaka fee na yetooxaa mbokatax ne no gimu we kam teeru faa Pergaam ee: ‹Fa lay feeke kaa inoor no xe saqna saamar.

Efees 6:17

Njaɓyo a muc ale Roog, ta ref o maxanda xire nuun. Njaɓyo itam fa lay fee Roog, refna laƥ ne no Yiif le ten.

Esayi 49:2

Kaa fi fa lay es laƥ mbeelu, soo a laqaxam yoora o ɓay um. Kaa fi’aam nen a kas a lake laa ta ɓekna na tungaar um.

Mbeeñil 19:21

Lakas we koy, laƥ ne sutooroogna no don ole no xe ŋaay’ina bari ne a mbarit’e, soo a tud ake fop a ndef no seeñaa xa tal den.

Mace 17:2

Yeesu a suptooxa mbaambir den. A tagid um a meleƈa boo nen njeeƈ ne, soo toki um a ndanig boo taw.

Mbeeñil 1:20

Keeke tektu kunpa fee na xa qoor ɓetaa ƭaq axe ga’oona no ɓay es o ñamaak fo a pagal ɓetaa ƭaq xa lampa akaa mbi’teena wurus. Xa qoor ɓetaa ƭaq axe ndefu malaaka ke na yetooxaa pokatax ɓetuu ƭik ke, soo a pagal ɓetaa ƭaq xa lampa ake a ndef pokatax ɓetuu ƭik ke.»

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

A pi ake 26:13

O maad Agiripa, no njoloor o mbuc koy, a jopir um ref na ƭat, ga’aam a qoolaand alaa inoortiidna na asamaan. A qoolaand alaaga koy, meleƈ um hup’u meleƈ ne no njeeƈ ne. Kaa miric-miricnoogu paam es fo paam we yoonit’uuma na ñaaƈ ale.

Mbeeñil 12:1

O anddiloor o maak a feeña na asamaan: Ga’aam o tew oxaa hulooxna njeeƈ ne, a qoor ale a ref ɗuga a caf um, soo a rokoox o ndip onqaa saqna xa qoor xarɓaxay fo xa qoor xa ƭaq.

Mbeeñil 10:1

Ga’aam malaaka fa njegu doole fa lakas a fudoortiidaa na asamaan, a huloox eel, soo a ñang-ee-ñang a yooroox xoox um. Mukit um kaa meleƈoogu nen njeeƈ, a caf um a miric-miricnaa nen aal fiɗel.

Dañel 12:3

We njegna o and xan a meleƈ nen meleƈ le na asamaan, we aqatinna wiin mayu o cofel xan a miric-miricin nen xa qoor axe na asamaan, bo na moos boo moos.

Ke bindeena no xe ne’eena YOB 38:7

ye xa qoor-mbeet axe a tapoorna, a mbelakinooxaa, malaaka ke Roog fop a njibnaa xa ƈeel?

Dañel 8:10

A maaka boo a daaw a yaj ake na asamaan, a maafiid mayu na den a lanq, a yurdiid xa qoor xa mayu soo a dak a den.

Esayi 24:23

A qoor ale xan a gaci, soo njeeƈ ne a sed, yaam o Yaal oxe Hupna fop xan a maadoox took o joong ole Siyoŋ, na Yeerusaleem, too xan o ndam um a meleƈ na kid no maak we.

Esayi 11:4

O cofel rek a bugko hate’taa fo mboƭomsogor ne, soo rool we, ta ɓoxot a den wargal den. Fa lay um a faditkaa nen o loq o kiin balu-balu xe, too haaƭ um soom a saŋkitkaa o soxodu xe.

Haahate we 5:31

O Yaal oxe, neene fañ of fop a nqontaa, soo we mbexoonga o mat a nand fo njeeƈ naa na wataa a qool qac. Maaga, saax le a reeƭata na jam boo xa kiid qarɓeen nahik.

A kim a tedu ke 45:3

Wo moƴu o mos na xa ƥiy Aadama. Xa ƭelem xa mosu doŋ na ngataa no muuceek of. Keene laltu yee Roog a barke’aang boo kili.

A kim ale na kim ake 6:10

«Ndi an oo xene na miric-miricnaa nen o xoor mbeet ole, a mosit nen o nqool onqe, a meleƈtaa nen njeeƈ ne soo a saɗarnoox nen a yaj no xiixire?»

Mbeeñil 2:1

«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.

Haahate we 3:16

Ehud a jalana a xoox um saamar faa fi’na o noonoong, a laqin kam tikoorik ke ten, ta garit no rak o ñamaak ole.