Mbeeñil 1:13 - NQAARIIT NE ROOG

¹³ A ndeer den koy a jeg’a oxaa nandtoogna o ƥiy no kiin, a saq sabadoor naa na ɗooqaa fo o qap wurus no ngang um.

Mbeeñil 1:13 Referans Kwoze

Dañel 7:13

Ga’ahinaam no mbeeñil ne mi kam o yeng ole oxaa nandtoogna o ƥiy no kiin ta garaa ndeer a eel ake. A fadiida me na Koorgi le, a matandiidel mbaambir um.

Dañel 10:16

Maaga, mbindeef lakas naa nandtoogna o kiin a gara, a duq muuceek es, too yaƥatatinaam soo lay oxe geenoox’ina mbaambir es ee: ‹O yaal es, mbeeñil ne kaa ɓis o laaw es, too jegatiim o njembe.

Mbeeñil 15:6

Malaaka ɓetuu ƭik ke saq’ina taamaala ɓetuu ƭik ke a sutoora no Mbind Roog ne. Malaaka fuu refna na den kaa rokoox’u sooy ndan fur naa na meleƈaa, a ngumnoox o qap wurus no laf um.

Mbeeñil 14:14

Ɗeetaam too ga’aam eel ran fur, too took eel leene, oxaa nandtoogna o ƥiy no kiin moof’u teen. Kaa rokoox’u o ndip wurus, a pokoox a ñand a beelu.

A paɗax ale 8:7

A rokana a Aaroon sabadoor ne, a humanin o qap ole, a rokanin o forok ole, a doonanin o jamb ole, a ŋaƭtin o kumnoor ole no jamb ole.

Dañel 7:9

«Ɗeetoogaam boo neen ga’um a uum no maad akaa na sipeel, soo a Koorgi a gar, a moof. Kaa rokoox’u toki tan fur, soo wiil um a ranig taw nen fa liit. Uum-maamaad le ten nandtoogna ƈulfaan fiɗel kaa saq’u a saang akaa na telelaa nen fiɗel laa na jir-jirnaa.

Esayi 11:5

O cofel na refkaa a maaƭ um, soo ndigil a ref o kumnoor ndet um.

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.

A sutax ale 39:5

O kumnoor ole no jamb ole yoo, xa ƥaak xa leng kut axe o jamb ole a riwit’eena, a riwit’e. Kaa ñambaas’el teen, ne o Yaal oxe a heblit’uuna a Moyiis.

Mbeeñil 2:1

«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.