Mbeeñil 1:11 - NQAARIIT NE ROOG

¹¹ Kaa layoogu yee: «Ke o ga’aa, bindeen no safe, lultin pokatax ɓetuu ƭik kaa ndefna kam teeru keeke: Efees fa Ismir fa Pergaam fa Tiyatiir fa Sardes fa Filadelfi fa Lawodise.»

Mbeeñil 1:11 Referans Kwoze

Mbeeñil 3:1

«Bindanaam a malaaka fee na yetooxaa mbokatax ne no gimu we kam teeru faa Sardes ee: ‹Fa lay feeke kaa inoor no xe saqna a yiif ɓetaa ƭaq ake Roog, a deegoox xa qoor ɓetaa ƭaq axe. Kaa tee: Andaam ke o fi’aa fop. Kaa o nandtaa oxaa na ñoowaa, too yaaga fop oo kaa o xon.

Mbeeñil 1:4

Mi Saŋ na bindaa a nuun, nuun pokatax ɓetuu ƭik ke ndefna kam o jegel olaa Asi: Yaasam nu ndaawit yirmande fa jam na Roog, ten fee na maadaa, a ref oxe reeƭna too a ref oxe na garaa, fo na yiif ɓetaa ƭaq ake ndefna mbaambir gamb no maad le ten,

Habakuk 2:2

O Yaal oxe a doonaxam ee: «Bindi mbeeñil nene, sexin took a alfa ƥil, ndax ta yooɓel o jang.

Yeremi 30:2

«Keeke layum, mi o Yaal oxe Roog fee Isra’el: ‹Bindi no safe fa lay fee layoonga fop.

Mbeeñil 3:14

«Bindanaam a malaaka fee na yetooxaa mbokatax ne no gimu we kam teeru faa Lawodise yee: ‹Fa lay feeke kaa inoor no xe refna Amiini. Kaa ref itam o seede o kore’u xe fo o tefu ndigil oxe, ke Roog a sakna fop a hat no ten.

Mbeeñil 3:7

«Bindanaam a malaaka fee na yetooxaa mbokatax ne no gimu we kam teeru faa Filadelfi yee: ‹Fa lay feeke kaa inoor no Tedu xe refna Ndigil ne itam. Ten saqu o jaafu le Dawid, a ref oxe na wetaa, too o leng wegkee, a ref itam oxe na wegaa, too o leng waagkiran o wet.

Mbeeñil 2:18

«Bindanaam a malaaka fee na yetooxaa mbokatax ne no gimu we kam teeru faa Tiyatiir ee: ‹Fa lay feeke kaa inoor no Ƥeenqe Roog, a kid um a miric-miricnaa nen ƈulfaan fiɗel, a caf um a telelaa nen xanjar faa naayneena na fiɗel boo a xawnel.

Mbeeñil 2:12

«Bindanaam a malaaka fee na yetooxaa mbokatax ne no gimu we kam teeru faa Pergaam ee: ‹Fa lay feeke kaa inoor no xe saqna saamar.

Mbeeñil 2:8

«Bindanaam a malaaka fee na yetooxaa mbokatax ne no gimu we kam teeru faa Ismir ee: ‹Fa lay feeke kaa inoor no xe refna o eetaand oxe fo o palakaand oxe, a ref oxe xon’ina, a xontoox.

Efees 1:1

Mi Pool fee refna apootar Kiristaa Yeesu ne Roog a bugtuuna, na bindaa a nuun o leetar oleeke, nuun gimu tedu we na Kiristaa Yeesu ngenna Efees.

Esayi 30:8

O Yaal oxe a laya a Esayi yee: «Ndiiki koy, bindi keene na alfa mbaambir den, bindin itam no safe, ndax ta ref seede faa na refkaa boo faw no camaane ke na ngaraa.

Mbeeñil 21:5

Maaga, oxe moof’ina no gamb no maad le a laya yee: «Ndiiki koy, xam fi’atin fop ta ref qas.» Cinj kaaga, a layaxam ee: «Bindi kene, yaam fa lay es ndigil kak oo, too a jare o hooloox.»

Mbeeñil 19:9

Malaaka fee a layaxam ee: «Bindi yee: We nqureena na put ngulook ale no Mbaal onqe a ƭaaya!» Cinj kaaga, a ɓaata teen ee: «Fa lay feeke ndigil kak oo, Roog layun.»

Mbeeñil 14:13

Cinj kaaga, nanaam o ñuxur olaa inoorna na asamaan, a layaam ee: ‹Bindi keeke: We na nqonaa no Yaal oxe no ke xotitna ndiiki a ƭaaya! Yiif le Roog a yegnita yee keene ndigil oo: Xan a mbaagat o ñootnoox no calel ƭomu ke da ngomoogna, yaam a pi den xan a ndeefan a den.› »

Mbeeñil 10:4

Ye ƭuuɗ ɓetuu ƭik ke a mbangooxna, bug’aam o bind, ndaa nanaam na asamaan o ñuxur olaa layaxama yee: «Dami ke ƭuuɗ ɓetuu ƭik ke a layna rek, too fañ o bind.»

Mbeeñil 1:19

Bindi boog ke ga’oona, ta ref ke na xewaa ndiiki fo ke na xewkaa.

Mbeeñil 1:8

O Yaal oxe Roog kaa tee: «Mi refu Alfa fa Omega, o eetaand oxe fo o palakaand oxe, ref oxe na maadaa fo xe reeƭna fo xe na garaa, o Cegu katil oxe.»

1 Timote 1:3

Ne layit’oonga o ten ye um hebooxaa o ret Makedoni, mexe dakooxang o wetandaa yee: Moofi Efees, ndax o waag o maƭoox wiin we ndefna maaga, too a njangnaa kaa refeerna ndigil ee mbariran o mbi.

A cangatin ale 31:19

Ndiiki koy, fat a kim alene a bindel, soo wo Moyiis, o aqatin Ii-isra’el we, fexey bo da moknin, too xan a kim alene a ref seede a ndeer es fo Ii-isra’el we.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Mbeeñil 1:2

Keeke refu ke Saŋ a woorinna: Fop ke ga’uuma fa lay Roog oo fa seede Yeesu Kiristaa.

1 Korint 16:8

Ndeer mene koy boo yaa Pantekot a fadiidkaa, mene Efees um refkaa,

1 Korint 15:32

A soƥangaa yee a qontax jegee, xar taxu um gomir fo ƥaaɓaan kam teeru fee Efees? Ndax wiin taxu um fi’in? Yaaga xar a ɗaxkaxam? A qontax a jegangee kañ, «fat i ñaamaa, yeraa, yaam o feet i nqon».

A pi ake 20:17

Na waxtu faaga na teeru faa Milet, Pool a lulta Efees, ndax maak waa no mbokatax ne no gimu we a nqoyiidel.

A pi ake 18:24

O Yaawuur oxaa ne’eena Apolos, too a rimel na teeru faa Aleksandiri, a inooriida Efees. O koor o qoolu fa lay a reeƭu. A and’a a Pind a Tedu ke a paax itam.

A pi ake 16:14

Ndeer rew waaga koy, a jeg’a oxaa ne’eena Lidi, a ref o ciijikax daalde. Na teeru faa Tiyatiir a inoor’u. Kaa saɗar’u a Roog, too a nan-gilooxooga a in. O Yaal oxe a weta yiif um, ndax ta jaɓ ke Pool a layoogna.

Kolos 2:1

Kaam bug nu and xil ne um gomriteel yaam nuun fo yaam we ndefna kam teeru fee Lawodise fo yaam fop we andoona sax ee a kid in mosee o ndoonoor,

Mbeeñil 1:20

Keeke tektu kunpa fee na xa qoor ɓetaa ƭaq axe ga’oona no ɓay es o ñamaak fo a pagal ɓetaa ƭaq xa lampa akaa mbi’teena wurus. Xa qoor ɓetaa ƭaq axe ndefu malaaka ke na yetooxaa pokatax ɓetuu ƭik ke, soo a pagal ɓetaa ƭaq xa lampa ake a ndef pokatax ɓetuu ƭik ke.»

Mbeeñil 2:1

«Bindanaam a malaaka fee na yetooxaa mbokatax ne no gimu we kam teeru faa Efees ee: ‹Fa lay feeke kaa inoor no xe deegooxna xa qoor ɓetaa ƭaq axe na ñamaak um, refna oxe na ñaaƴaa a ndeer a pagal ɓetaa ƭaq xa lampa akaa mbi’teena wurus.

Mbeeñil 2:24

Nuun lakas we mbogna no mbokatax ne no gimu we Tiyatiir o mat, andaam ee nu ndamooxee na cangin a koɓong aleene fo ke da nqoyaa kunpa qooɗu ke Saytaane. Mexe layaa a nuun boog ee gadinkiim a nuun a toq a lakas.

Mbeeñil 3:4

Kaa koy, leng-leng no we jegoona Sardes ƭuuñee cer den. Xan a ñaaƴaa fa mi, a ndokoox tikoorik tan, yaam njombee a den.

Mbeeñil 22:10

Cinj kaaga, Yeesu a layaxam itam ee: «Ba o ɗasin muk fa lay fee no nduleer ne Roog bindeena no safe lene, yaam waxtu fee keene a hapaneena fop a matiida.

Mbeeñil 22:16

«Mi Yeesu, mi lulu malaaka es, ndax ta yegin a nuun keene fop kam pokatax ke no gimu we. O ndaan Dawid refum fo o xoor o maak ole ne’eena o Mbuŋa.»