Mbeeñil 1:1 - NQAARIIT NE ROOG

¹ Safe leeke refu ke Yeesu Kiristaa a feeñilna. Roog ci’un o ten, ndax ta lal dag we ten ke na xewkaa no miñeer. Keene koy, Kiristaa a andnooraan a Saŋ fee o tag um, ye ta luliidna malaaka um me ten.

Mbeeñil 1:1 Referans Kwoze

Mbeeñil 22:16

«Mi Yeesu, mi lulu malaaka es, ndax ta yegin a nuun keene fop kam pokatax ke no gimu we. O ndaan Dawid refum fo o xoor o maak ole ne’eena o Mbuŋa.»

Mbeeñil 22:6

Cinj kaaga, malaaka fee a layaxam ee: «Fa lay feeke ndigil kak oo, too a dey o jaɓel. Maaga, o Yaal oxe Roog fee na ɓekaa duleer we Yiif um, a luliida malaaka um, ndax ta lal dag we Roog ke warna o xew no miñeer.»

Galati 1:12

Daawtinum no kiin, too o kiin jangniraam o ten itam: Yeesu Kiristaa fa xoox um feeñlaxam o ten.

Amos 3:7

Kaam ee, o Yaal oxe na refkaa boo faw mosee fosoox tig, too feeñliran duleer we dag um.

Efees 3:3

Roog kaa feeñlaam o ten, ndax ta andnooraam kunpa fee ten. Bindaam took fee xa ƭelem xa leng-leng no kaa farna no keene.

Mbeeñil 1:19

Bindi boog ke ga’oona, ta ref ke na xewaa ndiiki fo ke na xewkaa.

Dañel 9:23

Ye feroona xeɗaa a Roog, a jaaɓaang, too kaam gar ndax um yegnong o ten, yaam a fexaang. Ndiiki koy, dami fa lay fee, and mbeeñil ne.

Mbeeñil 1:9

Mi refu Saŋ fee o pog nuun no ngim onqe. Yaam ne i mbogna na Yeesu Kiristaa kaam fog fa nuun na coono fee fo no maat ne fo no ke i cungtaa o muñ. Reeƭaam no fimb laa ne’eena Patmos yaam ne waare’ooguuma fa lay fee Roog, soo seede’anaa a Yeesu.

YEGIL MBAAX NE YEESU ne Saŋ a bindtuuna 3:32

Kaa layaa ke ta ga’na, a nanin, ndaa koy o leng jaɓee seede um.

Dañel 9:21

Na waxtu fee sadax kirand a ɓoxoteel, a soƥ um maad o xeɗaa, Gaburi’el fee nandtoogna o koor, too um ga’’un no mbeeñil ne adooxna, a ñofa yetiid boo paam es.

YEGIL MBAAX NE YEESU ne Saŋ a bindtuuna 15:15

Xoyatiim a nuun dag es, yaam o tag naagee o andaa dara no ke o yaal mbind um a bugna o fi. Kaam xoy a nuun xaariit, yaam layaam a nuun fop ke jangtuuma na Faap es.

Dañel 8:16

Cinj kaaga, nanaam o ñuxur no kiin yoora a ƈufnand ale Ulay, ta falalooxaa yee: ‹Gaburi’el, tekti oxeene mbeeñil ne!›

A kim a tedu ke 25:14

O Yaal oxe kaa feeñlaa we saɗaruuna kunpa um soo a aqatinaa a den ngiɓoor um.

Mbeeñil 4:1

Yaa kaaga a faafna, ga’ahinaam begax naa wetooxna kam asamaan. O ñuxur ole eet’uuma o nan, kaa fangoortoogu nen a luuƥ. Kaa lay ee: «Ŋaayiidi mene, too xam lalong ke warna o xew a cinj keene.»

YEGIL MBAAX NE YEESU ne Saŋ a bindtuuna 12:49

yaam ke layuuma fop, xottinum na xoox es. Faap fee luliidaxama, simaxam ke waruuma o lay fo ke waruuma o yegnit.

YEGIL MBAAX NE YEESU ne Saŋ a bindtuuna 8:26

A jega mayu kaa waruuma o layit na nuun fo kaa waruuma o ɓanj na nuun. Kaa koy, oxe lulaxama, ndigil rek a layaa, too ke nantuuma no ten, um yegnaa adna.»

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

YEGIL MBAAX NE YEESU ne Saŋ a bindtuuna 17:8

yaam daawnaam a den a ƭelem ake cooxaxamoona, too a njaɓa a den. A anda tigi yee na wo hatum, too a ngima yee wo luliidaxam.

Tiit 1:1

Mi Pool fee o paɗ Roog fo apootar Yeesu Kiristaa na bindang o leetar oleeke. Yeesu Kiristaa kaa lulaam, ndax um andnoor we Roog a jilna o ngim onqe, da and ndigil ne refna no reef a Roog,

Mbeeñil 5:7

A gara, a xot a kayit ale no ɓay o ñamaak ole no Xe moof’ina took gamb no maad le.

Mbeeñil 17:1

Cinj kaaga, fa leng no malaaka ɓetuu ƭik kaa saq’ina fo mbeeƭ ɓetuu ƭik naa a gara a layaam ee: «Gari too xam lalong ne a caga maak ale a hate’itkeel, o ten oxe na moofaa paam poofi maak ke.

Mbeeñil 19:9

Malaaka fee a layaxam ee: «Bindi yee: We nqureena na put ngulook ale no Mbaal onqe a ƭaaya!» Cinj kaaga, a ɓaata teen ee: «Fa lay feeke ndigil kak oo, Roog layun.»

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mbeeñil 21:9

Cinj kaaga, fa leng no malaaka ke saq’ina fo ndog ɓetuu ƭik ne yip’ina taamaala ɓetuu ƭik palakaand ke, a gara a layaam ee: «Gari boo um lalong o toog oxe refna o Kulook no Mbaal onqe.»

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

Mbeeñil 22:8

Mi Saŋ, mi nanu keene, too ga’in. Ye nananuuma, ga’in, naagaam giriƥriƥ na caf ake na malaaka fee lal’axama a den, ndax um faɗooxin.

Mbeeñil 22:9

Kaa koy, malaaka fee a layaxam ee: «Ba o fi’in! O tag refum nen a wo, refin itam nen fog of we ndefna duleer fo nen we na ngeekaa fa lay fee bindeena no safe lene. Roog soom helu o faɗooxel!»