Mark 9:50 - NQAARIIT NE ROOG

⁵⁰ Fo jem a faaxa lool, ndaa fo jem o mat a jematangee, xar waagatu o tax ta jem? Njegyo fo jem na qoox nuun, too ñoowaa na jam a ndeer nuun.»

Mark 9:50 Referans Kwoze

Kolos 4:6

Fat a ƭelem nuun a yoon fa yirmande, a njem, nu mbaag o and ke nu mbarna o ndoon o kiin oo kiin.

O leetar ole Pool a bindna GIMU WE NGENNA ROM 12:18

Mbi’yo fop ke nu mbaagna, ndax nu ñoowaa na jam mbaambir no wiin we fop, a waagangaa o jeg.

Mace 5:13

«Nuun ndefu fo jem ole na adna fee. Fo jem o mat, a jematangee, xar waagatu tax ta jem? Jiriiñatee tus a refangeerna a deɓel tafil, soo wiin we a ndakin.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

Ke bindeena no xe ne’eena YOB 6:6

Ndax kaa maasna a waaga o ñaamel too jemaƭaand? Ndax foofi ɓoof jawaand a jega a safaand?

1 Tesalonik 5:13

Fat nu njamsa’ooraa a ndeer nuun, too njeg na den o mbeq o maak yaam a pi den.

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

Saak 1:20

yaam oxe fuuxna, waagee o fi cofu na kid Roog.

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

Kolos 3:12

Neene itam, nen waa Roog a jilna nu mbog no ten, ta fex a nuun, fat nu mbof yirmande fo o paaxel fo a neewandax fo o ɓuuɓ fo o muñ.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

A kim a tedu ke 34:14

gayi ɗelem of boo laykee paaxeer, gay muuceek of itam na ƭelem a naanax.

Mark 9:34

Kaa koy, a naanga cel, yaam na ƭat ale kaa ñimatiroogu a ndeer den, ndax da and oxe hupna.

A kim a tedu ke 133:1

A kim no ñaañaaƴ we yoo, a fog na ke Dawid. Ndaw paaxu too a fel, yaa fog we a nanoorna!

Heseki’el 43:24

Fat o ɓisiid a den mbaambir no Yaal oxe. Saasadax we xan a ƥax fo jem took den soo a ƥoxot a den o Yaal oxe nen sadax fa ndoxel.

Mark 9:49

Yaam o kiin oxuu refna xan a jemaƭtel fiɗel.