Mark 9:43 - NQAARIIT NE ROOG

⁴³ Boo o ɓay of a ɓekang na bakaad, ɗegeen! Rok kam o ñoow ole fo o ɓay o leng moƴu o jeg xa ƥay xa ƭaq, soo deɓel kam fiɗel laa ñufkeerna boo muk. [

Mark 9:43 Referans Kwoze

Mace 25:41

Cinj kaaga, xan a lay we ndefna na janoon um ee: ‹Ngoƭaamoo, wiin halakooxu we! Ndetyo kam fiɗel fo ñufkeer muk ole jagandan’eena o ƈiƴ oxe fo malaaka um,

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Mace 5:22

Mi koy, mexe layaa a nuun ee: Oxuu fuuxanna o pog um sax, haahate we a mbaraan o nqaw. Oxe na laykaa o pog um sax ee: ‹O ƭof refo!› Mal maak ne fop a mbara o mbokatoor a nqawin. Oxe na laykaa o pog um ee: ‹Jegiro xoox!› a wara o xawtel fiɗel laa ñufkeerna.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

Mace 3:12

A saqa o lang no ɓay um, too xan a fees bele fee ten soo a geek pep ke. Xan a dox ñaax le kam fiɗel laa ñufkeerna boo muk.»

Tiit 2:12

Kaa jangnaa a in, i mbaas njofaƭar fo a yuxum tig adna. Kaa jangnaa a in itam, i mbañ o ngupal, ñoowaa no cofel fo no gon Roog na jamaane fee ndiiki,

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

O leetar ole Pool a bindna GIMU WE NGENNA ROM 8:13

Boo nu ñoowaa no ke cer ke nuun a mbugna xan nu nqon, ndaa boo Yiif le Roog a taxna nu mbar a pesoorooƭ ale no cer ke nuun, xan nu njeg o ñoow.

YEGIL MBAAX NE YEESU ne Lik a bindtuuna 14:13

Kaa koy, boo o xurtataa, xoyi rool we fo xaru we fo ɓoof we fo fuul we.

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

1 Korint 9:27

Kaam dam cer es, harin a den, yaam ndik we waare’ooguuma a ndok, um xaƴel tafil.

YEGIL MBAAX NE YEESU ne Lik a bindtuuna 14:21

O tag oxaa a nomtooxa, too a lay o yaal mbind um ke wiin we a njangtooxna. O yaal mbind naa a fuuxa, too a laya o tag um ee: ‹Reti no paayo ke fo no ped ke kam saate fee, too ɓisiid rool we fo xaru we fo ɓoof we fo fuul we.›

Esayi 1:31

O yaal doole xe xan a nandat fo sirtatin xa pasaak, soo a pi um a nand fo o meldaand. Den ɗik fop xan a ndoxandoor, too jegkee o leng oxaa ñufuuna.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

Mace 17:27

Kaa koy ndax njegkee kaa da layaa, reti no maag olaa. Deɓi o jaar, too sut liƥ ne o eetkaa o dam. Yaƥatneen, too xan o ga o xanjar. Jangeen cooxin a den, ta ref ndabid in, mi fa wo.»

Mark 9:44

Maaga max ke na yaqaa cer ke nqonkee, too fiɗel le ñufkee muk.]

YEGIL MBAAX NE YEESU ne Lik a bindtuuna 3:17

A saqa o lang no ɓay um, too xan a fees bele fee ten soo a geek pep ke. Xan a dox ñaax le kam fiɗel laa ñufkeerna boo muk.»

Ke bindeena no xe ne’eena YOB 20:13

Kaa geekan miñu a fañin o waas, a leerin no ɗanqarlam um.