Mark 9:42 - NQAARIIT NE ROOG

⁴² «Oxuu tolofnoorna o leng na xa teɓandoong axene ngimna na mi, kaa moƴna no xeene kiin ta rokel ɓil unir no cok soo a deɓel no maag olaa.

Mark 9:42 Referans Kwoze

Mace 18:6

«Kaa koy, oxuu tolofnoorna o leng na xa teɓandoong axene ngimna na mi, kaa moƴna no ten ta rokel ɓil unir no cok soo a deɓel no duf laa no maag olaa.

Mace 18:10

«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [

2 Korint 6:3

I mbugee dara kaa tolofnoorna o kiin, no kuu ta waagna waag o ref, yaam ndik Yegil mbaax ne a ref na in ŋañel.

O leetar ole Pool a bindna GIMU WE NGENNA ROM 16:17

Fog we, kaam xeɗaa a nuun nu mbootoox we na sakaa fo mbokatax fo sayooxu. Kaa mo’nooraa gimu we, yaam kaa mbañ faƥit a cangin ale nu ndaawneena. Fat nu ngoƭaa a den.

O leetar ole Pool a bindna GIMU WE NGENNA ROM 14:13

Ba i ngate’rat a ndeer in! Fat nu mbosoox o mbañ o mbi dara kaa waagna o tax o pog nuun a tolof mbaat ta yen na bakaad.

2 Piyeer 2:2

Mayu no wiin we xan a ndeef a pesoorooƭ a paaxeer ake den, soo wiin we a layaa paaxeer na ƭat ale no ndigil ne yaam den.

A pi ake 9:4

A yena a lanq, too a nana o ñuxur olaa layooguuna yee: «Sool, Sool xar taxu o ñagadilaxam?»

1 Timote 5:14

Kaam bug boog ñaaw we maadna o ndefaa no ndeƥandoong den a ndolookatin, a njegik xa ƥiy, a topatooxaa pind den, too a mbañ o ci fañ in kaa da ŋañitna a in.

Filip 1:10

ndax nu mbaag o njekit ke moƴna. Yaaga xan nu njeg o ñoow o xoolu, ñak ƥanjel boo na bes faa Kiristaa a nomtooxiidkaa.

O leetar ole Pool a bindna GIMU WE NGENNA ROM 15:21

Neene, xan a pi es a nand fo ke layeena kam a Pind a Tedu ke yee: «We mosaandeena o yegin paru no ten, xan a nga’in, too we moseerna o nan ta layteel, xan a andin.»

Mace 17:27

Kaa koy ndax njegkee kaa da layaa, reti no maag olaa. Deɓi o jaar, too sut liƥ ne o eetkaa o dam. Yaƥatneen, too xan o ga o xanjar. Jangeen cooxin a den, ta ref ndabid in, mi fa wo.»