Mark 9:41 - NQAARIIT NE ROOG

⁴¹ Oxuu ci’na a nuun a tokol foofi no gon es, yaam ne Kiristaa a jegna a nuun, no ndigil, mexe layaa a nuun ee: Ñakkee o daaw ndabid um.»

Mark 9:41 Referans Kwoze

Mace 10:42

Oxuu ci’na o leng na xa teɓandoong axene a tokol foofi fo ɓuuɓu yaam ne ta refna o taalbe es, no ndigil, mexe layaa a nuun ee: Ñakkee o daaw ndabid um.»

Mace 25:40

Maaga, xan o Maad oxe a lay a den ee: ‹No ndigil, mexe layaa a nuun ee: Ke nu mbi’anna o leng oxe moƴna o neew no fog es wene fop, mi nu mbi’anun.›

2 Korint 10:7

Mbi’yo o ndang, too naang jak fo a kid nuun ne tikoorik ke a nandna. Oxuu ta woorna yee Kiristaa jegun, fat a ɓek no yiif um ee neene itam Kiristaa a jegtu a in.

1 Korint 15:23

oxuu refna na seek um no qod ole, Kiristaa a adoox, wiin um a ndeef, no ñaal naa ta nomtooxiidkaa.

O leetar ole Pool a bindna GIMU WE NGENNA ROM 14:15

Boo ɓisiidoona o kentand of coono yaam ñaamel kaa o ñaamaa, yaaga fesooratiro nen oxaa jegna o mbeq. Ten taxu ba o mo’noor o pog of yaam ke o ñaamaa, yaam Kiristaa a xonanaan itam.

O leetar ole Pool a bindna GIMU WE NGENNA ROM 8:9

Nuun o mat, nu ndeefee ke cer nuun a mbugna, ndaa ke Yiif le Roog a bugna, yaam kaa Yiif le Roog a gen na nuun. Oxuu jegeerna Yiif le Kiristaa koy, fogee no ten.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

Galati 3:29

Kiristaa a jegangaa a nuun koy, xa taan Abraham nu ndefu, too yaaga xan nu lam ke Abraham a regeena.

1 Korint 3:23

ndaa Kiristaa jegu a nuun, Roog a jeg a Kiristaa.

Mark 4:10

Yaa Yeesu a riƈatooxna wiin mayu waa, we ndeerooguuna fo xarɓaxay fo ɗik we a laamtaan ke a naxax akeene a tekitna.