Mark 9:31 - NQAARIIT NE ROOG

³¹ yaam kaa jangnoogu daalbe we ten, too a layaa a den ee: «O Ƥeenqe no kiin oxe xan a ɓoxotel a ndeer xa ƥay axe no wiin we. Xan a mbarin, ndaa ñaal tadik a cinj fa nqon um xan a xontoox.»

Mark 9:31 Referans Kwoze

Mace 16:21

Maaga, Yeesu a fertu o jangnaa daalbe we ten ee a wara o ret Yeerusaleem ndax maak waa fo saasadax maak waa fo jaajangin waa no kebil kaa Moyiis a ñagadilin. Xan a mbarin, ndaa no ñaal ndadkandeer naa, xan a xontoox.

Mark 9:12

A doona a den ee: «Ndigil oo de, Eliya a wara o eet o gar, ndax ta jagandatin fop. Yaaga boog, xar taxu a Pind a Tedu ke a lay ee o Ƥeenqe no kiin oxe xan a coono mayu, soo a ñagadilel?

Mark 8:31

Maaga, Yeesu a fertu o jangnaa daalbe we ten ee: «O Ƥeenqe no kiin oxe a wara o ñagadilel. Xan maak we fo saasadax maak we fo jaajangin we no kebil ke Moyiis a mbañin. Xan a warel, ndaa cinj ñaal tadik xan a xontoox.»

YEGIL MBAAX NE YEESU ne Lik a bindtuuna 24:26

Ndax Kiristaa fee war’ee o coono’it neene kañ, soo a rokkaa kam o ndam um?»

Mace 26:2

«Nu anda yee Xew fee na colandax ale ñaal ƭik soom yoqu ta fadiid, too teen o Ƥeenqe no kiin oxe a ɓoxotitkeel soo a rengel na kurwaa.»

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

2 Timote 2:12

i nqijangaa fo ten, xan i maadook fo ten. I layangaa yee i mosiran o and, too andin, xan a xañ ee andee a in itam.

YEGIL MBAAX NE YEESU ne Saŋ a bindtuuna 10:18

O leng suqtiran na mi, mi o mat na cooxtan no fud-o-letu. Jegaam sañ-sañ faa cooxtitanuuma fa sañ-sañ faa jangtanuuma: Keene mat refu ke Faap fee a heblaxama.»

YEGIL MBAAX NE YEESU ne Saŋ a bindtuuna 3:14

O Ƥeenqe no kiin oxe a wara o yoɗtel ne Moyiis a yoɗit’ina fangool faa na koƥ-a-ƥor alaa,

YEGIL MBAAX NE YEESU ne Saŋ a bindtuuna 2:19

Yeesu a doona a den ee: «Yaqyo Mbind Roog nene, too ndeer mene fo ñaal tadik xam geennatinin.»

YEGIL MBAAX NE YEESU ne Lik a bindtuuna 9:44

«Fat xa ƭelem axene a ndok no nof nuun a paax: O Ƥeenqe no kiin oxe a wara o ɓoxotel a ndeer xa ƥay axe no wiin we.»

Mace 27:63

soo a layin ee: «Yaal saax le! I mbetandooxa yee o maamaaɓ oxeene kaa lay’u ye ta ñoowaa yee: ‹Cinj ñaal tadik, xam xontoox.›

Mark 10:34

Xan a nqaadnooxin, a nduxdin, a nqawin xa cap, soo a mbarin, ndaa cinj ñaal tadik xan a xontoox.»