Mark 9:25 - NQAARIIT NE ROOG

²⁵ Yaa Yeesu a ga’na wiin mayu waa a ƈufiidaa, a ŋala jini faa, soo a layin ee: «Jini fa muumu, too a ram, mexe heblang o ten, sutooxi o ndeɓandoong onqene, too ba o rokat no ten!»

Mark 9:25 Referans Kwoze

A pi ake 16:18

A fi’a kaaga boo ñaal mayu. Yaa Pool a xijna, a wiƈaqilooxa, a lay jini faa yee: «No gon le Yeesu Kiristaa, mexe heblang: Sutooxi no ten!» Na waxtu faaga sax jini faa a sutooxa.

YEGIL MBAAX NE YEESU ne Lik a bindtuuna 9:42

Yaa ta matiidaa, jini faa a yo’naan, too a naagaan dal a maafin. Kaa koy, Yeesu a ŋala jini fee, a wodand o ndeɓandoong onqe, too a nomtaan a faap um.

Mark 9:15

Yaa wiin waa a nga’na a Yeesu, a njaaxiɗ’a, too a ƈufiida ndax da simnin.

Mace 17:18

Yeesu a dalfooxa o ŋal jini faa, boo ta sutoox. Na waxtu faaga sax sax o ndeɓandoong onqaa a wodu.

Yudaa 1:9

Too keene fop koy, Mika’el fee refna o leng no kelfa ke no malaaka ke fi’iran. Ye ta ñimatiraa fo o ƈiƴ oxe, a jaɓraa fo ten o dal ole Moyiis, saɗ’iran o ɓanj, ne’katiim o wenin. Kaa lay’un soom ee: «Yaasam o Yaal oxe a xawong.»

YEGIL MBAAX NE YEESU ne Lik a bindtuuna 11:14

Yeesu a raxa jini faa muumand’ina o kiin. Yaa jini faa a sutooxna, o muum oxaa a laya. Kaaga a bet’a wiin waa fop.

YEGIL MBAAX NE YEESU ne Lik a bindtuuna 8:29

Maaga, Yeesu a hebla jini faa ta sutoox no koor oxeene ta dam’ina yaaga boo ndiik. O koor oxaa kaa yetooxoogel, a humeel ceen na xa ƥay fo celem na caf ake. Kaa koy, kuu ta humit’eena humit a ɗegin, soo jini fee a ɓakandin farna fo a koƥ-a-ƥor alaa.

YEGIL MBAAX NE YEESU ne Lik a bindtuuna 4:41

Cini mayu itam a sutoora no wiin waa, a mbuuqaa yee: «Wo refu o Ƥeenqe Roog!» Kaa koy, Yeesu a ŋala a den, too ci’’atee a den o ñootand, yaam a and’a yee ten refu Kiristaa fee o Muumucil oxe regteena.

YEGIL MBAAX NE YEESU ne Lik a bindtuuna 4:35

Yeesu a ŋala jini fee, a layin ee: «Naagi muut! Sutooxi no kiin oxene!» Maaga, jini fee a deɓa o koor oxaa kam wiin waa, a sutoox no ten, too fi’iran kaa ɗomuuna.

Sakari 3:2

Malaaka fee a laya a Saytaane fee o caajamb oxe yee: «Yaasam o Yaal oxe a xasanong, wo Saytaane! Kaam ee yaasam ta xasanong, ten oxe jilna a Yeerusaleem! Ndax Yosuwe feene refee nen o rukit olaa woosteena na fiɗel?»

Mace 12:22

Maaga, Yeesu a ɓisiide o puul oxaa muumna, too cini a ndamin. A wodandaan boo o muum oxe a layaa, a ga’aa.

Mark 9:24

Ndak fo ndak, faap fee no ƥeenqe a wuuqa yee: «Gimaam! Gari ƴufgaam no ngimaƭar es!»

Mark 9:26

Jini faa a sutoora xa ƥiic, a yo’nin a maak. O ndeɓandoong onqe a fi’at nen kaa xon boo jaaku a layataa yee a xona.