Mark 9:24 - NQAARIIT NE ROOG

²⁴ Ndak fo ndak, faap fee no ƥeenqe a wuuqa yee: «Gimaam! Gari ƴufgaam no ngimaƭar es!»

Mark 9:24 Referans Kwoze

YEGIL MBAAX NE YEESU ne Lik a bindtuuna 17:5

Apootar we a laya o Yaal oxe yee: «Ɓaatani a in o ngim.»

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

2 Tesalonik 1:11

Ten taxu i ngen no nqeɗanaa a nuun, ndax o xoy ole Roog fee in jombkee a nuun. Yaasam ta ci a nuun doole faa nu mbaagna o mbadnit paax ke nu nqalaataa fop fo calel ke no ngim onqe nu njegna.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

Filip 1:29

yaam kaa nu ndaawnel yirmande, ndax nu ngim na Kiristaa. Refee koy soom ee nu ngim no ten, ndaa nu coono yaam ten itam,

A kim a tedu ke 126:5

We na nduufaa fo xa kooniit, xan a ƈeelaa, yaa da saxadaa.

2 Korint 2:4

Kam coono magnu fo xeeñ ŋaƭe, may fo xa kooniit bo, bindit’um a nuun, refee koy ee ndax nu naqadiloox, ndaa ndax nu and o mbeq o njegee hap onqe jeguuma na nuun.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

A pi ake 10:31

a layaam ee: ‹Korney, Roog a nana a qeƭ of, too a wetandooxa sadax ke o fi’aa.

Yeremi 14:17

Wo Yeremi fat o lay a den kene: A kid es kaa ngen no nqaaraa fo xa kooniit ñaal fo o yeng, yaam o njakad o maak onqe dalna o njaaƈ o ndoog onqe refna xeet es, ngaañax naa ɗomna tigi.

2 Timote 1:4

Wetandooxaam itam xa kooniit of, too a taxa boo um bugong o doon a ngid, xeeñ es a waag o may fo o ɗaay.

YEGIL MBAAX NE YEESU ne Lik a bindtuuna 7:44

Maaga, Yeesu a geleerooxa, a faambir fo o tew oxe, too a lay a Simoŋ ee: «Ga’aa o tew oxene? Rokaam no mbind of, too xafaniraamo foofi laa ɓogtuuma a caf. Ten o mat a xuƥanda a caf es fo xa kooniit um, soo a fortit a den wiil um.

YEGIL MBAAX NE YEESU ne Lik a bindtuuna 7:38

Ye ta fadiidna, a fodta a Yeesu a cinj na caf um. Kaa looloogu boo a xuƥandataa a caf ake Yeesu fo xa kooniit um. Cinj kaaga, a fortita a den wiil um, a foon a den, soo a ɗuumanin teen ƭuumooxel.

A kim a tedu ke 39:12

Kaa o yaraa o kiin oxe, yaa o xawtan tooñ um, ŋereñaa ke ta moƴna o bug nen max. Ndigil oo, wiin we fop nqeñ doŋ a ndefu. A maaf

2 Maad we 20:5

Nomtooxi lay a Hiskiya fee adooxanna xeet es ee: «Keeke o Yaal oxe refna Roog fee no taan of Dawid a layu: ‹Nanaam a qeƭ of too ga’aam xa kooniit of. Ndiiki koy, xam wodandong. No ñaal ndadkandeer ne xan o ret no Mbind naa no Yaal oxe.

2 Sami’el 16:12

Xeƈa xan o Yaal oxe a ga naqad es, soo a salax ake salooxeema xaye, ta supit a den barke.»

Hebre 12:17

Nu anda yee taa mbaambir, a bug’ata o daaw barke fee faap um, ndaa a xañit’e o ten. Jeg’atee pexey naa ta suptitna ke ta fi’’ina, too xa lool axe ta looloogna ƭax’atee teen dara.

A pi ake 10:19

Ye Piyeer a xalaataa ke mbeeñil ne a tekitna, Yiif le Roog a layaan ee: «Wiin daduk wey, a laamtang.

Mark 9:23

Yeesu a layaan ee: «O waagangaa, layo! Oxe gimna a waaga fop, dara ɓoowiran.»

Mark 9:25

Yaa Yeesu a ga’na wiin mayu waa a ƈufiidaa, a ŋala jini faa, soo a layin ee: «Jini fa muumu, too a ram, mexe heblang o ten, sutooxi o ndeɓandoong onqene, too ba o rokat no ten!»