Mark 9:20 - NQAARIIT NE ROOG

²⁰ A ɓisiide o ten, too ndak fo ndak yaa jini faa a ga’na a Yeesu, a yo’na o njaaƈ onqe ta naag dal a yen a lanq, a firkilooxaa, soo a puur a sutooraa no don um.

Mark 9:20 Referans Kwoze

Mark 1:26

Jini fee a yo’na o kiin oxaaga fa doole, a sutooxin soo a wuuq a maak.

YEGIL MBAAX NE YEESU ne Lik a bindtuuna 4:35

Yeesu a ŋala jini fee, a layin ee: «Naagi muut! Sutooxi no kiin oxene!» Maaga, jini fee a deɓa o koor oxaa kam wiin waa, a sutoox no ten, too fi’iran kaa ɗomuuna.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

YEGIL MBAAX NE YEESU ne Lik a bindtuuna 9:42

Yaa ta matiidaa, jini faa a yo’naan, too a naagaan dal a maafin. Kaa koy, Yeesu a ŋala jini fee, a wodand o ndeɓandoong onqe, too a nomtaan a faap um.

YEGIL MBAAX NE YEESU ne Lik a bindtuuna 8:29

Maaga, Yeesu a hebla jini faa ta sutoox no koor oxeene ta dam’ina yaaga boo ndiik. O koor oxaa kaa yetooxoogel, a humeel ceen na xa ƥay fo celem na caf ake. Kaa koy, kuu ta humit’eena humit a ɗegin, soo jini fee a ɓakandin farna fo a koƥ-a-ƥor alaa.

Mark 9:26

Jini faa a sutoora xa ƥiic, a yo’nin a maak. O ndeɓandoong onqe a fi’at nen kaa xon boo jaaku a layataa yee a xona.

Mark 9:18

Muu ta damtuuna, kaa maafan a lanq, a naaga o jegaa a puur no don um, too kaa ƴaxaa a ñiiñ ake, cer um a naangat saƭ a mbeer. Dimle’nooxaam daalbe we wo, ndax da ndax jini fee, ndaa mbaagiran.»

Mark 9:19

Yeesu a laya a den ee: «Xeet fa ngimaƭaru! Kaam refkaa fa nuun boo a mban? Kaam ee kaam gadooxkaa a nuun boo a mban? Ƥisiidaamoo o ten!»

Mark 9:21

Yeesu a laamta a faap faa yee: «Mban keeke a damun?» Faap faa a doonaan ee: «No ndeƥandoong um boo fa ndiik,

YEGIL MBAAX NE YEESU ne Lik a bindtuuna 9:39

Jini na yo’nan, too ndak fo ndak a naaga o wuuqaa. Kaa yo’nan boo yaa ta naagkaa dal a yen, a puur a sutooraa no don ole, too naagiran o ñofaa waas, a cinj yaa ta maafuuna.