Mark 8:35 - NQAARIIT NE ROOG

³⁵ Oxe na bugkaa o mucil o ñis um, xan a ñakin, ndaa oxe na ñakkan yaam mi, a ñakin itam yaam Yegil mbaax ne, xan a muclin.

Mark 8:35 Referans Kwoze

1 Korint 9:23

Kaam fi’aa keene fop yaam Yegil mbaax ne, ndax um jeg teen a las.

2 Timote 1:8

Yaaga koy, ba o sed o seede’aa o Yaal in mbaat yaam mi fee ɓekeena kaso yaam o ten. Geƈnooxi na doole fee Roog a cooxtaa, jaɓ o xij nen a mi, ndax Yegil mbaax ne a jof a paam.

YEGIL MBAAX NE YEESU ne Lik a bindtuuna 17:33

Oxuu bugna o gay o ñis um xan a ñakin, too oxuu ñakna o ñis um xan a geekin.

Mace 16:25

Oxe na bugkaa o mucil o ñis um, xan a ñakin, ndaa oxe na ñakkan yaam mi, xan a daawin.

Mace 19:29

Oxuu xaƴna mbind um mbaat maag um mbaat xa teɓ um mbaat a faap um mbaat a ya um mbaat xa ƥeem mbaat xa qol um yaam gon es, xan a daawin a caf teemeed, too xan a lam o ñoow o fagkeer ole.

Mace 10:39

Oxuu bugna gay o ñis um xan a ñakin, ndaa oxe na ñakkaa o ñis um yaam mi xan a daawin.»

2 Korint 12:10

Ten taxu um felakinoortaa o neew doole es, ta ref ee kaam weneel mbaat um naqadileel mbaat um toroxandeel mbaat um coono’nooreel yaam Kiristaa. Yaaga boog, boo refuuma no neew doole, maaga um jegtaa doole.

A pi ake 9:16

Xam lalin ke ta warna o torox fop yaam gon es.»

YEGIL MBAAX NE YEESU ne Lik a bindtuuna 9:24

Oxe na bugkaa o mucil o ñis um xan a ñakin, ndaa oxe na ñakkan yaam mi, xan a muclin.

Mbeeñil 12:11

Fog gimu we in a maafaan yaam fo’oy le no Mbaal onqe fo ndigil ne da seede’oogna. Mbex’ee itam o ñoow den boo a tax da saɗar fa nqon.

Mace 10:22

Xan fop a sib a nuun yaam gon es, ndaa oxuu saƭikna boo no muukandoong naa xan a muc.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

A pi ake 21:13

ndaa Pool a doona yee: «Xar taxu nu loolaa, yaqaa xeeñ es? Ndax nu andee yee fañiim o humel soom, ndaa jaɓaam o warel Yeerusaleem sax yaam gon le no Yaal oxe Yeesu.»

Mbeeñil 7:14

Doonaanum ee: «O yaal es, mee ndax wo andun.» Maaga, a layaxam ee: «Den ndefu we inoorna no ñagadil ƭomu naa. Kaa ndap toki den, a ndan-ginit a den fo’oy le no Mbaal onqe.

Hebre 11:35

O ngim tax’u rew a nga’aa xon den a nqontooxnooreel, soo a ƥoxoteel a den. Lakas we o mat mbug’ee o mbatel. A njaɓa o ñagadileel boo a nqon, ndax da nqontooxnoorel, boo a mbaag o njeg o ñoow ole moƴna.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

Mark 8:36

Xar a jiriiñkaa o kiin ta jeg adna fee fop yaa ta ñakna o laaw um?

O baawaare xe 3:6

hap o waaƭ fo hap o mo’iɗ, hap o geek fo hap o deɓ,