Mark 8:34 - NQAARIIT NE ROOG

³⁴ Cinj kaaga, Yeesu a xoya faan laa fo daalbe waa ten, too a lay a den ee: «Oxuu bugaxama o reefan, fat a wuus o ñis um, a gadooxaa bes fuu refna a kurwaa um, soo a reefanaam.

Mark 8:34 Referans Kwoze

Mace 10:38

Oxuu jangeerna a kurwaa um, a reefanaam, jombaanum.

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

1 Maad we 14:8

Suqtitaam maat ne no mbind Dawid, cooxong o ten. Kaa koy, nandiro nen o tag es Dawid fee gayna kebil es soo a reefaam no xeeñ um fop, a fi’aa paax doŋ na kid es.

Galati 5:24

We na ndeefaa a Kiristaa Yeesu a mbara ke cer den a yaawaa fo ke da nqememaa.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

1Saŋ 3:16

Mene i anditkaa o mbeq onqe: Kiristaa a ɓoxota o ñis um yaam in. Ten taxu in itam, i mbara o ƥoxot o ñis in yaam fog in.

A lim ale 14:24

Kaa koy, Kaleb fee o tag es o mat, fog’eerna fa den yiif, too a damoox na mi, xam fi ta rok no saax le ta horook’ina, xa taan um a njegkin.

Mace 16:24

Yeesu a laya daalbe um itam ee: «Oxuu bugaxama o reefan, fat a wuus o ñis um, a gadooxaa a kurwaa um, soo a reefanaam.

Filip 3:10

Neene o mat um anditkaa a Kiristaa fa doole a qontax um, waag o fog no coono um, nandat fo ten nen oxaa xonitna nen o ten,

O leetar ole Pool a bindna GIMU WE NGENNA ROM 8:17

Kaa i ndef xa ƥeem, ten taxu i njega a las no lam ne Roog a regna xeet um. Xan i lasrin fa Kiristaa, yaam i naangangaa o coono’aa fo ten, xan i mbog fo ten no ndam um itam.

YEGIL MBAAX NE YEESU ne Lik a bindtuuna 9:23

Maaga, a laya a den, den fop ee: «Oxuu bugaxama o reefan, fat a wuus o ñis um, a gadooxaa a kurwaa um bes fuu refna, soo a reefanaam.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

Filip 3:7

Keene fi’’uuma ke moƴna, ndiiki kaam fi’in kasaara yaam Kiristaa.

1 Piyeer 4:1

Ne Kiristaa a coono’itna no cer ke boog, nuun itam, saƭkityo neene, yaam oxe coono’na no cer um, a ƴutoora fa bakaad.

Galati 6:14

Mi o mat, a refangeerna a kurwaa le no Yaal in Yeesu Kiristaa, bugiim o fakoor lakas. Ke yaawooguuma na adna fee fop, yaawatinum, yaam kaam nand nen oxaa xonna, too a kurwaa le Kiristaa soom taxun. Ñoowtatiim ne adna fee a ñoowtaa, too adna fee ñoowtee ne um ñoowtataa.

1 Korint 15:31

Fog es, bes fuu refna, o ñis es oley no xoƥ nquƭ, ta woor boo ne nu ndefitna qaaƴoor es no mbokatoor ne i njegna no Yaal in Yeesu Kiristaa.

O leetar ole Pool a bindna GIMU WE NGENNA ROM 6:6

Fat i and a paax ee o kiin o kiid oxe i ndeeƭna yaaga, a rengandoor’e na kurwaa fa Kiristaa, ndax ngiin mbaabakaad neene a sooƴ. Yaaga koy, i ndefkatee faɗ bakaad boo muk,

YEGIL MBAAX NE YEESU ne Lik a bindtuuna 14:33

Neene boog, oxuu waaseerna na nuun ke ta jegna fop soo a reefanaam, waagkee o ref o taalbe es.»

2 Piyeer 1:14

Yaam andaam ee a inax es kam cer kene goƭatee, ne o Yaal in Yeesu Kiristaa a andnoortaxama o ten,

1 Piyeer 4:13

Kaa nu mbar o mbelakinoox kañ, yaam ne nu njegna a las no coono ke Kiristaa, ndax nu may fo o ɗaay itam, yaa o ndam onqe ten a feeñilkeel.

Tiit 2:12

Kaa jangnaa a in, i mbaas njofaƭar fo a yuxum tig adna. Kaa jangnaa a in itam, i mbañ o ngupal, ñoowaa no cofel fo no gon Roog na jamaane fee ndiiki,

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

YEGIL MBAAX NE YEESU ne Lik a bindtuuna 18:22

Yaa Yeesu a nanna kaaga, a layaan ee: «A yoqahina leng kaa fi’eeroona: Jikooxi ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam.»

YEGIL MBAAX NE YEESU ne Lik a bindtuuna 13:24

«Ngoorgoorlooxyo o ndokit no don-maax o ŋooɓu le, yaam mexe layan a nuun, xan mayu a njeem o ndokit teen too mbaagkiran.

Mace 27:32

Yaa da sutooxna, a nqeta fo o koor oxaa genna Kireen, too a ne’el Simoŋ. A seraan ndax ta gadoox a kurwaa le Yeesu.

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Hebre 13:13

Fat i njagin farna fo ten boog, ndet kaltaa saŋe ne, ndax i ndoxondoox toroxand leng kut ke ndaaw’uuna.

2 Tesalonik 3:11

Me ta refna koy, in we nanaa yee a jega na nuun waa mbeeñaakna, a ndokaa no kaa a ƭat den a yongeerna, a mbañ o njalik.

1 Korint 9:19

Mbaambir no fop, mi jegu a xoox es, ndaa koy kaa felaam um refan fop o paɗ, ndax moƴ-o-jaak we a ngim.

1 Korint 8:13

Keene o mat taxu boo andoona yee kaa ñaamel ke reeruuma a nar o ndef a panq na caf no kimu lakas, ñaamkiim no roon olaaga muk, yaam ndik ta fes o ngim onqe a cinj.

YEGIL MBAAX NE YEESU ne Saŋ a bindtuuna 19:17

Yeesu a gadooxa a kurwaa um, a gar boo a fadiid me ne’eena «o mbiñ onqe no Nqolof ne», too no ɗelem hebre da layan Golgota.

YEGIL MBAAX NE YEESU ne Lik a bindtuuna 20:45

Yaa fop a maadna o nan-gilooxaa, Yeesu a laya daalbe waa ten ee:

Mark 10:21

Yeesu a ɗeetaan fo o mbeq, a layin ee: «Yoqɗaa tig leng kut: Reti jikoox ke jegoona fop, lasin rool we, too yaaga xan o jeg halal na asamaan. Cinj kaaga, o gar reefanaam!»

Mark 7:14

Yeesu a dakooxa o xoy wiin mayu waa, a lay a den ee: «Nan-gilooxaamoo nuun fop, too andyo kene: