Mark 8:33 - NQAARIIT NE ROOG

³³ Kaa koy, Yeesu a geleerooxa, a ɗeet daalbe waa ten, a xasan a Piyeer, too a lay ee: «Saytaane, riƈatooxaam! Yaam a qalaat of mbogree fo a qalaat Roog, a qalaat no kiin oo.»

Mark 8:33 Referans Kwoze

Mace 4:10

Maaga, Yeesu a layaan ee: «Saytaane, goƭaam! Yaam a binde yee: ‹O Yaal oxe Roog of soom waro faɗoox too dagooxan.› »

1Saŋ 2:15

Ba nu mbex adna fee mbaat tig adna. O kiin a fexangaa adna fee, o mbeq onqe na Faap fee refee no ten.

Filip 3:19

A saŋkax na cungaa a den. O fud refu Roog den, o ndam den da ƥekin no ke na gaci’nooraa a den. Tig adna soom a nqalaataa.

Mbeeñil 3:19

Mi o mat, kaam yaraa we fexuuma. Jaflaxi boog, too fes pakaad of a cinj.

A kim a tedu ke 141:5

Jaɓaam o cofu a xawaam, o mbeq taxun mbaat ta xasanaam, yaam diwliin fa mbelu tuñ oo took xoox es, too fañiim kaaga. Mexe xeɗahinaa yaam kañaan ne no soxodu we.

1 Piyeer 4:1

Ne Kiristaa a coono’itna no cer ke boog, nuun itam, saƭkityo neene, yaam oxe coono’na no cer um, a ƴutoora fa bakaad.

1 Timote 5:20

We ngenna no mbakaadaa, fat o xasanaa a den mbaambir no fop, ndax lakas we a saɗar o mbi leng kut ke.

1 Korint 5:5

fat oxe fi’na keene a deɓel na xa ƥay Saytaane, cer um a saŋkoox ndax o laaw um a muc no ñaal naa o Yaal oxe a nomtooxiidkaa.

YEGIL MBAAX NE YEESU ne Lik a bindtuuna 22:61

Maaga, o Yaal oxe a wiƈaqilooxa, a ɗeet a Piyeer. Piyeer a dalfooxa o wetandoox ke o Yaal oxe a lay’uuna yee: «A siik laykee xaye, too layiro boo a caf a tadak ee andiraamo.»

Mark 3:34

Maaga, a ɗeeta waa moof’ina, a ndeerin, too a laya yee: «Wene ndefu ya es fo xa teɓ es.

Mark 3:5

Naaga, Yeesu a ɗeeta a den fop, too a fuux. A naqadiloox’a sax yaam a qeeñ a saƭku ke den. A laya o koor oxe yee: «Letni o ɓay of.» A letnaan, too o ɓay um a woda boo ceŋ.

Mace 15:23

Yeesu doon’iran ɗelem leng sax. Daalbe we ten a matiida, a nqeɗooxin ee: «Nomteen, yaam kaa reefan a in, a falalooxaa.»

2 Sami’el 19:22

Maaga, Abisay fee o ƥiy no tew o ne’e Seruya a laya yee: «Ndax tooñ neene a waaga o waasantel boo Simey xonkee, ten fee salooxna o maad oxe o Yaal oxe a ɗuumna?»

A paɗax ale 19:17

Ba o leng a saqan o pog um o njaaku-kam, ndaa fat a asin. A fi’angiran, xan a gadoox tooñ um.

Tiit 1:13

A ƭelem akeene ndigil kak oo. Ten taxu xasani a den fa doole, da mbaag o njegik o ngim o nqoolu.

YEGIL MBAAX NE YEESU ne Lik a bindtuuna 9:55

Yeesu a geleerooxa, a faambir fa den, a xasan a den.

YEGIL MBAAX NE YEESU ne Lik a bindtuuna 4:8

Yeesu a doonaan ee: «A binde yee: ‹O Yaal oxe Roog of soom waro faɗoox too dagooxan.› »

Ke bindeena no xe ne’eena YOB 2:10

Kaa koy, Yob a doonaan ee: «Kaa o laytaa nen o tew o cegee yiif! Feek i njaɓa ndaawit na Roog paax kañ, i mbara njaɓ o ndaawit no ten paaxeer itam.» No kaaga fop koy, Yob bakaadee na fa lay um.

Mace 16:23

Kaa koy, Yeesu a geleerooxa, soo a layin ee: «Saytaane, riƈatooxaam! Kaa o bugaam o tolofnoor, yaam a qalaat of mbogree fo a qalaat Roog, a qalaat no kiin oo.»