Mark 8:25 - NQAARIIT NE ROOG

²⁵ Yeesu a dakooxa o doon xa ƥay um took a kid ake no koor oxe, too yaa o puul oxaa a naagna jar a ɗeet, a wod’a, too a ga’ooga fop a qool qac.

Mark 8:25 Referans Kwoze

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

Xa peƭit axe 4:18

A ƭat ale no jofu we kaa nand nen a qoolaand mbeet, meleƈ um a ɓaatooxaa boo njoloor o mbuc.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Filip 1:6

A wooraxam ee oxe ferna na nuun paax keene, xan a fadnin boo na bes faa Kiristaa Yeesu a nomtooxiidkaa.

Mace 13:12

Oxe jegna xan a ci’el, too xan a mayiƭ. Oxe jegeerna o mat, onqe ta jegna sax xan a jaɓel.

Mark 8:24

O puul oxaa a yoɗa a kid um, soo a lay ee: «Ƴookaam wiin, ndaa kaa nandaam nen taxar, too kaa ñaaƴaa.»

Mark 8:26

Maaga, Yeesu a nomtaan no mbind um, a layin ee: «Ba o rok kam saate fee.»

A pi ake 1:10

Yaa da ndefna maaga, a ndaxaaƴooxan ta retaa, goor ɗik waa ndokooxna tikoorik tan a mbeeñooxa a den,

A pi ake 14:9

A nan-gilooxooga ke Pool a layoogna. Maaga, Pool a naagaan jak a kid, too a ga’a yee a jega o ngim onqaa waaguuna o mucil.