Mark 8:15 - NQAARIIT NE ROOG

¹⁵ Yeesu a maƭooxa a den kene: «Mbootooxyo too yetoox no poɗaxnir ke no Farisiya we fo ke Herood.»

Mark 8:15 Referans Kwoze

Mace 16:6

Yeesu a laya a den ee: «Mbootooxyo too yetoox no poɗaxnir ke no Farisiya we fo ke no Sadusiya we!»

Mark 12:13

Farisiya leng-leng fo waa mbogna na qaaj ale Herood a lule paam Yeesu, ndax da mbogin na fa lay um.

A paɗax ale 2:11

Sadax fa leng faa kesaneena o Yaal oxe waree o jeg poɗaxnir, yaam nu mbaree o ƥoxot dara kaa saqna poɗaxnir mbaat suum ndeer sadax ke na ndoxaneel o Yaal oxe.

Xa peƭit axe 19:27

O ƥees, o xaƴangee yiif of na fa yar fee, yaaga xan o goƭatir fo fa lay fee no and ole.

1 Timote 6:13

Mbaambir Roog fee na ñoownaa kuu refna fo mbaambir Kiristaa Yeesu fee lay’ina ndigil nqoolu qac maa Poons Pilaat, mexe heblang,

Mace 14:1

Na pe akaaga, yaa Herood fee maadooxoogna no jegel olaa Galile a nanna wiin we a laytaa a Yeesu,

2 Timote 2:14

Wetandi keeke we o jangnaa, maƭoox a den mbaambir Roog, da mbaas xa ƭelem axe da ndapatinaa no ñimatir ke den. Keene ɗaxee dara, a refangee a mo’andaa we na nan-gilooxaa.

1 Timote 5:21

Mexe gaañtang kene mbaambir Roog fo mbaambir Kiristaa Yeesu fo mbaambir malaaka tedu ke: Ngela horooxi keene. Fat o fañ o lay dara yaa ga’afuleeroona tig, too ba o farit o leng itam.

YEGIL MBAAX NE YEESU ne Lik a bindtuuna 12:15

Yeesu a laya a den ee: «Yetooxyo too mbootoox o mbeq halal, yaam o ñoow no kiin refee no jeg halal, kuu ta mayna may halal oo.»

1 Caloori ke 28:20

Cinj kaaga, Dawid a ɓaata teen ee: «O ƥees, saƭakinoooxi too jal! Ba o saɗar boog, too ba o diid! O Yaal oxe Roog es xaƴkirang, oxey fa wo too xan a damtong boo yaa calel ke no Mbind ne ten a muukooxkaa.

Mace 14:3

Herood fa xoox um kaa damnoor’u a Saŋ o Paabatiise xe, soo a jengin, a ɓekin kaso yaam Herojas, o tew Filip fee o ndeɓ Herood,

Mace 14:6

Kaa koy, yaa da ndoofandaa bes faa no rimel olaa Herood, o ƥiy o ndew onqe Herojas a feca ndeer o lang olaa, too a fel’a a Herood lool.

Mark 8:14

Daalbe we a mbeec’a o ƥisloox ñaamel. Mbuuru leng soom a saq’u no suk naa.

Mark 8:16

Daalbe we a layra yee: «Ne i saqeerna puuru taxu ta layaa keene.»