Mark 7:28 - NQAARIIT NE ROOG

²⁸ O tew oxe a doonaan ee: «Iyo o Yaal oxe, ndaa xa kurik axe sax ndefna paam o roon ole, kaa ñaamaa ke na samtaa na xa teɓandoong axe.»

Mark 7:28 Referans Kwoze

O leetar ole Pool a bindna GIMU WE NGENNA ROM 10:12

Neene, jegee njektir leng a ndeer o Yaawuur oxe fo o tefee o Yaawuur, yaam o Yaal o leng kut oxe a njegu, too o ten na ci’aa we na ƈufginooxan fop paax um.

O leetar ole Pool a bindna GIMU WE NGENNA ROM 3:29

Ndi boog Roog o mat, Yaawuur we soom a refanu? Ndax kaa refee itam Roog fee no we ndefeerna Yaawuur? Aha kañ!

Esayi 45:22

Nuun we ngenna no cat adna, ngeleerooxyo me mi too njaɓ o muclel, yaam mi refu Roog, too jegee fa lakas.

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

A kim a tedu ke 145:16

Kaa o muƥtaa o ɓay of, ci fop ke na ñoowaa ke da soxla’na.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

Mace 5:45

Nu mbi’angaan, xan nu ndef xa ƥiy Faap nuun fee na asamaan, yaam kaa seeƈanaa faaxeer we fo faaxu we, a deɓanaa jofu we fo jofeer we.

Mace 15:27

O tew oxe a doonaan ee: «O Yaal oxe, ndigil layo, ndaa xa kurik axe kaa ñaamaa ke na samtaa no roon no yaal den.»

Mark 7:27

Yeesu a doonaan ee: «Xaƴi kañ xa teɓandoong axe a ñaam boo a ngiñ, yaam faaxee ndax o jang ñaamel ke na xa teɓandoong axe, soo cooxin xa kurik axe.»

Mark 7:29

Maaga, Yeesu a layaan ee: «Yaam fa lay feene waagaa o nomtoox no mbind of. Jini fee a sutooxa no ƥeef.»