Mark 7:24 - NQAARIIT NE ROOG

²⁴ Yeesu a inoorta maaga, soo a ret no lanq kaa Tiir. A roka no mbind, too bug’ee o leng a and ee oxe meen, ndaa waagee o ɗas.

Mark 7:24 Referans Kwoze

Mace 11:21

«Ndaw sabab took of, wo Korasiin, ndaw sabab took of, wo Betsayda, yaam a pi katil ake mbi’eena me nuun a mbi’’ange kam Tiir fa Sidoŋ, a mbeskooga pakaad den a cinj yaaga, too a nderoox xa saaku, a moof no ndaw, ndax da lalit ee a ndicooxa.

Heseki’el 28:2

«Wo fee o ƥiy no kiin, layi o kelwaar oxe Tiir ee: Keeke o Yaal oxe na refkaa boo faw a layu: Kaa o yeg’u a xoox of, lay ee: ‹Roog refum, mexe moofa na tungul ale no roog ke, no xeeñ le na xa maag axe›, too yaaga fop oo o kiin doŋ refo, refiro roog. Kaa o fodrandaa a qalaat of fo ake Roog.

1 Timote 5:25

Keenee-keenee, a pi a paax ake itam, kaa nqool qac, too ake mbaagaandeena o nga ndak fo ndak, mbaagee o ƭas boo xoo.

Mace 9:28

Yaa da mbadna no mbind naa, fuul waa a matiida a Yeesu, soo ta lay a den ee: «Ndax nu ngima yee waagaam o fi ke nu nqeɗaxam?» A ndoonaan ee: «O Yaal oxe, waagaano o fi moos!»

Mberaand 10:15

Kanaan rimu a Sidoŋ fee taaw um fa Heet,

Mark 2:1

Na pe akaa ndoonooxna, Yeesu a nomtooxiida na teeru faa Kapernawum, too wiin waa a nana yee oxaa no mbind naa.

Esayi 42:2

Wuuqkee, falalooxkee, too o leng nankee o ñuxur um kam ped ke.

Esayi 23:12

A laya yee: «Wo Sidoŋ o ndoog onqe, o mbelakinax of a faga, wo fee gigin’eena, yeen andafuliro adna. O inooxangaa, ret boo Sipere sax oo, jegitkiro maaga a ñootnax.

Mberaand 49:13

Sabulon xan a genaa na ƥeeraamb ale no maag ole. Xan a jegan a kaal ake ten waax na tambando fee ten too xan o fiisel um a suur boo Sidoŋ.

Mberaand 10:19

O fiisel ole no Kaakanaan we oxaa xotta Sidoŋ, a sag Geraar boo a damik Gaasa, a puloox a jagin Sodoom, Gomoor, Adma fa Seboyiim boo a damik Lesa.

Mark 7:23

Paaxeer keene fop kam fee a sutooraa, too den na ndoɗgandaa o kiin.»

Mark 7:25

O tew oxaa jini a dam’ina o ƥeem o ndew, a nana wiin we a laytan, too a gara a gooknoox na caf um.

Mark 7:31

Yeesu a inoorta no lanq kaa Tiir, a reeftiid Sidoŋ, a xaañ no saax laa Dekapol, soo a fadiid no Maag olaa Galile.