Mark 7:18 - NQAARIIT NE ROOG

¹⁸ A laya a den ee: «Nuun itam, ndax kaa nu ndefkahinaa no ñak-o-and? Ndax kaa nu andee yee dara no ke na rokaa no kiin, a inoor tafil, waagiran o roɗgand?

Mark 7:18 Referans Kwoze

Hebre 5:11

A jega mayu kaa i mbarna o lay no kaa farna no keene, ndaa a ɗoma lool ndax i tektin a nuun, yaam kaa nu niidat o and.

YEGIL MBAAX NE YEESU ne Lik a bindtuuna 24:25

Maaga, Yeesu a laya a den ee: «Nuun soo ñak a yiif, too xeeñ nuun a niid o gim ke na layeel no duleer we fop!

Mace 16:11

Nam nu mbaagu o ñak o andit ee refee kaa farna no puuru um ne’aa a nuun? Mbootooxyo poɗaxnir ke no Farisiya we fo ke no Sadusiya we layum a nuun.»

1 Korint 3:2

Keene o mat taxu, diƈaniim a nuun ñaamel ke moƴna o nqiis na fa lay fee Roog, ndax coox a nuun ke moƴna o yelef teen, ne o nqeq a cooxteel fo ɗeen. O nanangaa cooxiim a nuun ñaamel qiisu ke, kaam and ee nu ngatil’iran, too me nu ndefna sax nu ngatliran,

YEGIL MBAAX NE YEESU ne Saŋ a bindtuuna 3:10

Yeesu a doonaan ee: «Coo, o ref o caajangin o maak oxe Isra’el, too andiro keene!

Mark 4:13

Yeesu a dakooxa o lay a den ee: «Nu andee ke a naxax alene a tekitna! Nam nu anditkaa a naxax a lakas ake fop boog?

Mace 15:11

Refee yee ke na rokaa no don na roɗgandaa o kiin, ndaa ke na sutooraa teen na roɗgandan.»

Mark 7:17

Yaa Yeesu a inooxna maa no wiin mayu waa, a rok kam mbind naa, daalbe we ten a laamtaan kaa farna na naxax aleene.

Mark 7:19

Yaam keene naagee o rokaa no xeeñ um ndaa no fud um, too xan a sutooxel.» Na xa ƭelem axeene, Yeesu kaa layoogu yee ñaamel ke fop a nqoola.