Mark 6:56 - NQAARIIT NE ROOG

⁵⁶ Muu Yeesu a rok’ina rok, ta ref saax mbaat teeru mbaat na koƥ ale, jiru we kaa ndoonoogel na baayo fee, too a nqeɗoogaan, ndax da nduq o noflax ndoki um soom. We nduqooguuna fop a mbodooga.

Mark 6:56 Referans Kwoze

Mace 9:20

O tew oxaa jir’ina, yaam ne ta ga’oogna tap, too ɗegroogee boo xa kiid xarɓaxay fo xa kiid xa ƭaq, a garta a Yeesu a cinj, a matiidin, soo a duq o noflax ole no ndoki ne ten,

YEGIL MBAAX NE YEESU ne Lik a bindtuuna 6:19

Wiin mayu a mbaaƭooga maa da nduqtuuna, yaam doole fee sutoortoogna no ten, too a wodandaa a den fop.

Mark 3:10

yaam waa njir’ina fop kaa ƥiikloogun ndax da nduqin, took ne ta wodandoogna wiin mayu.

A pi ake 5:15

We njirna kaa ƥisiidoogel kam ped ke, a mbondneel took cong fo na xa sar, ndax Piyeer a jooniidangaa, mbelyook um a waag o rok wiin leng-leng na den boog.

A pi ake 4:12

Yaaga boog, no ten soom a muc a waage o jegit, yaam jegee ɗuga asamaan gon lakas laa Roog a ci’itna ndeer no wiin we, ndax i muc.»

A pi ake 4:9

xar taxu nu laamtaa a in xaye kaa farna na pi a paax ake mbi’eena no kiin o ciru xene fo ne ta wodandteena?

YEGIL MBAAX NE YEESU ne Lik a bindtuuna 22:51

Kaa koy, Yeesu a doona yee: «Bara, ngeenooxyo!» Maaga, a doona o ɓay um no nof naa no kiin oxaa soo a wodandin.

YEGIL MBAAX NE YEESU ne Lik a bindtuuna 8:44

A garta a Yeesu a cinj, a matiidin, a duq o noflax ole no ndoki ne ten, too ndak fo ndak o tew oxe a woda.

2 Maad we 13:21

Bes, waa ngaskoogna o qon a ƈooka a leng na yaj akaaga. Ndak fo ndak, a ndeɓa o dal olaa kam a mboy alaa Eliise soo a ƈuf. Ye o qon oxe a duqirna fo xa kiiƈ axe Eliise, a ñoowatina soo a inoox a geenoox.

A cangatin ale 22:12

Fat nu mbi’aa a tup na xa noflax xa nahaq axe no toki ke nuun.»

A lim ale 15:37

O Yaal oxe a laya a Moyiis

Mace 14:36

A nqeɗoogaan ndax da mbaag o nduq o noflax ndoki um soom. We nduqooguuna fop a mbodooga.

Mark 6:55

Muu da nan’ina kam saax laa yee Yeesu oxaay maaga, a ƈufooga, a ƥisiidin jiru waa mbondneena no cong.