Mark 6:34 - NQAARIIT NE ROOG

³⁴ Yaa Yeesu a sutooxna suk naa, a ga’a wiin mayu. A yuɗ’aan lool, yaam kaa nand’u nen paal kaa njegeerna o kaynaak. A dalfooxa o ref no jangnaa a den mayu.

Mark 6:34 Referans Kwoze

Mace 9:36

Yaa ta ga’na wiin mayu waa, a yuɗ’aan lool, yaam kaa nqij’u too a yogorlooxaa nen paal kaa njegeerna o kaynaak.

A lim ale 27:17

ta ref kelfa faa na waagkan o ɗox no kuu refna, ndax nandkeeyo fo paal kaa njegeerna o kaynaak.»

YEGIL MBAAX NE YEESU ne Lik a bindtuuna 9:11

Yaa wiin waa a nanna kaaga, a ndeefanaan. Yaa Yeesu a ga’na a den, a jaɓ’a o moof fa den. A waare’ooga a den Maat ne Roog, a wodandaa we soxla’na o mbodandel.

Sakari 10:2

Mayu kaa ndiisaa soxla den pangool fo fan, weene a maaɓaa a den, a ndegaa a den cegeer, lakas we a yaakaar xa ƭaaɗ, too yaaloor o ƭaaɗ a ref o huloox o quusi. Keene mat taxu da njoqooyooxaa, a ngalakoox nen ged laa jegeerna o kaynaak.

Yeremi 50:6

Xeet es kaa ndeeƭu o siir paal mo’u. Gaynaak den kaa mo’andoogu a den, a njoqooynoornaa a den na xa coong axe. Kaa mbirlooxoogu ndeer xa coong axe fo a ñaang ake, a mbeecit ngetand den.

2 Caloori ke 18:16

Maaga, Mikaya a laya yee: «Kaam ga xeet fee Isra’el fop a pasaroox took xa coong axe nen ged laa jegeerna o kaynaak. O Yaal oxe a laya yee: ‹Njegatee o aa-adax, fat oxuu refna a nomtoox no mbind um na jam.› »

1 Maad we 22:17

Maaga, Mikaya a laya yee: «Kaam ga xeet fee Isra’el fop a pasaroox took xa coong axe nen ged laa jegeerna o kaynaak. O Yaal oxe a laya yee: ‹Njegatee o aa-adax, fat oxuu refna a xaad no mbind um na jam.› »

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.

Mace 14:14

Yaa Yeesu a sutooxna suk naa, a ga’a wiin mayu. A yuɗaan, too a wodanda wiin jiru waa fop.

Hebre 2:17

Ten taxu a wara o nandat fo xa teɓ um, ndax ta ref o saasadax o maak den o kore’u, a may fo o paaxel no calel um paam Roog. Kaa fi’in, ndax ta ñuf a qaw ale na xeet fee yaam pakaad den.

Mace 15:32

Maaga, Yeesu a xoya daalbe um, a lay a den ee: «Wiin wene kaa yuɗaam lool, yaam ñaal tadik key kaa da ndefna paam es, too njegatee tus kaa da ñaamna. Bugiim o nomit a den fo nqeex, yaam ndik da ñak doole na ƭat ale.»

Esayi 13:14

Maaga, oxuu refna xan a nomtoox na xeet um, o kiin oo kiin a ƴufan saax um nen mbat naa na raxeel, nen ged laa jegeerna oxaa koroluuna.

Heseki’el 34:5

A pasarooxa took o ñak o kaynaak, a ndefat muud no ƥaaɓaan ke na koƥ ale, a pictoor.

Mark 6:33

Wiin mayu a nga’a a den da ndetaa, too a andda a den. Ten taxu a inoortiida no teeru kaa fop, a siipaa soo a adook a den maaga da njofoogna.

Mark 6:35

Yaa da moofna boo njeeƈ naa a yaarkaa, daalbe we ten a matiidaan, a layin ee: «O mbiñ onqene a woota lool, too tige a yaara.

Mark 8:1

Na pe akaaga, faan maak a mbokatoorahina. Ne da njeg’eerna dara kaa da ñaamna, Yeesu a xoya daalbe we ten, a lay a den ee:

Mark 8:2

«Wiin wene kaa yuɗaam lool, yaam ñaal tadik key kaa da ndefna a paam es, too njegatee tus kaa da ñaamna.