Mark 6:3 - NQAARIIT NE ROOG

³ Ndax refee o taadaaƴ oxe, o ƥeenqe Mari, o maag oxe Saak fa Yoose fa Yudaa fa Simoŋ? Ndax jigeen we ten ngenee fa in mene?» Kaaga a yaqan’a a den da ngim no ten.

Mark 6:3 Referans Kwoze

Mace 12:46

Ye Yeesu a maadna o layaa fo wiin waa, ya um fo xa teɓ um a ngara, a ngeenoox tafil faa ee yaam kaa mbug’u nga’ir fo ten.

YEGIL MBAAX NE YEESU ne Saŋ a bindtuuna 6:42

A laya yee: «Andum tiye kaa refatee Yeesu fee o ƥiy Yoseef, rimeena na kid in, baa um oo ya um oo, fop i and a den? E, nam a waagu o layit boog ee: ‹Na asamaan fudoorum›?»

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

Galati 1:19

Ga’’iim o lakas no apootar we, a refangee Saak fee refna o ndeɓ no Yaal oxe.

Mace 11:6

Oxuu tolofkeerna yaam mi, a ɗaaya.»

A pi ake 1:13

Yaa da mbadiidna, a ŋaaya no taax-took naa maa da mer’ina o mbokatoortaa. A ndeeƭa: Piyeer, Saŋ, Saak, Andare, Filip, Tomaa, Bartelemi, Mace, Saak fee o ƥiy Alfe, Simoŋ oxe na xoxtaa saax um fa Yudaa fee o ƥiy Saak.

Mark 15:40

A jeg’a itam rew waa mat’ina maaga, a ƭeetaa. Mari-Magdala fa Mari fee ya Saak fa ndeɓ fa Yoose fo o tew o ne’e Salome a mbog’a no rew waaga

1 Korint 1:23

ndaa in o mat, i mbaare’aa a Kiristaa fee rengeena took a kurwaa, a ref a panq no Yaawuur we, we ndefeerna Yaawuur a mbi’in ñaku xoox.

YEGIL MBAAX NE YEESU ne Saŋ a bindtuuna 14:22

Yudaa, fogree koy fa Yudaa o Iskariyot oxe, a layaan ee: «O Yaal oxe, xar taxu o fañ o lal adna fee oxe refoona, soo o lalan a in?»

YEGIL MBAAX NE YEESU ne Lik a bindtuuna 7:23

Oxuu tolofkeerna yaam mi a ɗaaya.»

YEGIL MBAAX NE YEESU ne Lik a bindtuuna 2:34

Simewon a barke’a a den, too a laya a Mari fee ya Yeesu yee: «O ƥiy onqene kaa maafiid too a yoɗiid wiin mayu na Isra’el. Xan a ref o anddiloor olaa na ɓisiidkaa njuumoor.

Esayi 49:7

Keeke o Yaal oxe refna o baawat oxe fo o Tedu xe Isra’el a layu oxe o ñoow um a sibeena, too wiin we a sibdin, a ref o paɗ no yaal toole ke: «Xan maad we a nga’in too xan a inoox, xan gelwaar we a ngung mbaambir um, yaa da ƈookkan. Neene, xan a lalit ee a niwa o Yaal oxe gore’na, a ref o Tedu xe Isra’el jiloonga.»

1 Piyeer 2:4

Matiidyo me ten, ten fee refna ɓil ñoow le wiin we a ndeɓna, ndaa Roog kaa jil’un, yaam kaa jeg’u o njiriiñ mbaambir um.

1 Korint 9:4

Ndax kaa i mbaree o ñaamaa, yeraa no ke nu njegna, ta ref ndabid no calel ke?

Mark 3:18

A jila itam a Andare fa Filip fa Bartelemi fa Mace fa Tomaa fa Saak fee o ƥiy Alfe, a jil a Tade fa Simoŋ oxe na xoxtaa saax um

A pi ake 12:17

Piyeer a caxa a den fo o ɓay um, ndax da tiim. Maaga, a wetandooxa a den ne o Yaal oxe a muclit’uuna na kaso faa, too a doona teen ee: «Mbetandooxeenoo a Saak fo fog gimu lakas we.» Cinj kaaga, a sutooxa, a ret o mbiñ o lakas.

YEGIL MBAAX NE YEESU ne Lik a bindtuuna 8:20

O leng no wiin waa a laya a Yeesu yee: «Reti jaaɓik! Ya of fo xa teɓ of owe cungang tafil, too kaa mbug o nga’ir fa wo.»