Mark 6:21 - NQAARIIT NE ROOG

²¹ Maaga, Herojas a jegata o wooƥ olaa ta warnooritna a Saŋ, a jopir Herood a roofandaa bes fee no rimel um. A xoya we mbogna no maat ne ten fo aa-adax we no xiixire we fo wiin maak we Galile fop, ndax ta fi’an a den a put a maak.

Mark 6:21 Referans Kwoze

Esteer 2:18

O maad oxe a fi’ana a Esteer mbumbaay soo a xur kelfa ke no maat um fo dag we ten fop. A waña a bateer ake kam xa cegel axe ten fop soo a lasit ci’it, ne o maad a merna o fi’tan.

Mberaand 40:20

No ñaal ndadkandeer naa, a jopir Firawon fee a roofandaa bes fee no rimel um, a fi’ana jaajal we ten fop a put, a xoyin oxe topatooxoogna a yer ale fo xe juɗoogna puuru ke mbaambir dag we ten.

Mbeeñil 11:10

Maaga, xan adna fa muum a mbelakinoox, too a ndef no ɗaay na fa nqon fee no seede ɗik weene. Xan a lultiraa a ƭang a ndeer den, yaam duleer ɗik weene njom’andoogna adna fee.

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

YEGIL MBAAX NE YEESU ne Lik a bindtuuna 3:1

No hiid xarɓaxay fo ɓetkandeer olaa no maat ne Kesaar fee ne’eena Tibeer, a jopir Poons Pilaat a refaa gofornoor Yudee, Herood a ref o maad Galile, Filip fee o ndeɓ um a ref o maad no saax laa Iture fa Tarakooni, Lisaañas o maad Abileen,

Hoose 7:5

No ndoofeen ne no maad oxe in, kelfa ke kaa njiraa yaam a sumaan ale na biiñ fee, o maad oxe a fi’in boo a cooxaa xaaxaadnax we o ɓay.

Esteer 3:7

No ndokand ne no hiid xarɓaxay fo ɗikandeer ole no maat Asuwerus, no nqool o eetaand onqe refna ref o nqool Nisan, Haamaan a simta ke na banjangteel too a xoyeel Purim a deɓel, ndax ta and bes fum fo o nqool onqum na njagooxkaa no yuuƥ ke ten. Mbanjang ne a yena no ñaal xarɓaxay fo ndadkandeer ne no nqool xarɓaxay fo ƭikandeer onqe refna ref o nqool Adaar.

Mberaand 27:41

Esawu a dalfooxa o fuuxan a Yakoob, yaam barke fee faap um a barke’uuna. Esawu kaa layoogu no xeeñ um ee: «Ndiiki faap es a xon, too a koom xam war a Yakoob fee o ndeɓ es.»

A pi ake 25:23

No feet olaa, Agiripa fa Berenis a ngara, a mbi a yaj, a niwnoox bo. Naaga, a ndoka no xeloorand olaa, den fo a salma-koor akaa fo wiin maak waa na teeru faa. Festus a hebla ndax Pool a ɓisiidel.