Mark 6:14 - NQAARIIT NE ROOG

¹⁴ Na pe akaaga, o maad Herood a nana wiin we a laytaa a Yeesu, yaam gon um kaa joot’u a saax ɓetaa ƭaq. Wiin leng-leng kaa layoogu yee: «Saŋ o Paabatiise xe xontooxu a ndeer no xon we, ten taxu ta fi’aa a pi katil.»

Mark 6:14 Referans Kwoze

1 Tesalonik 1:8

yaam fa lay fee no Yaal oxe a jaaƥatiloortiida na nuun. Fa lay feene dayee soom kam Makedoni fa Akayi, ndaa o ngim nuun na Roog a nannooka muu refna. Keene koy, o layatan sax, caali yoo na in.

YEGIL MBAAX NE YEESU ne Lik a bindtuuna 13:31

Na waxtu faaga, leng-leng no Farisiya waa a matiida a Yeesu, a layin ee: «Inooxi mene, too ret o mbiñ o lakas, yaam Herood kaa bugong o warin.»

YEGIL MBAAX NE YEESU ne Lik a bindtuuna 3:1

No hiid xarɓaxay fo ɓetkandeer olaa no maat ne Kesaar fee ne’eena Tibeer, a jopir Poons Pilaat a refaa gofornoor Yudee, Herood a ref o maad Galile, Filip fee o ndeɓ um a ref o maad no saax laa Iture fa Tarakooni, Lisaañas o maad Abileen,

Mark 8:28

A ndoonaan ee: «Leng we kaa layaa yee Saŋ o Paabatiise xe, lakas we a layaa yee Eliya, soo lakas we a layahinaa yee o leng no duleer we.»

Mark 1:45

Kaa koy, o kiin oxeene a reta muu refna, a yegnitik ke ta fi’an’eena. Yaam keene, Yeesu waag’atee o feeñ kam teeru ke. Kaa sutooxoogu tafil, a ret no mbiñ o mbootu, soo wiin we a inooraa muu refna, a ngaraa me ten.

Mark 1:28

Ndak fo ndak, gon le Yeesu a joota kam o jegel olaa Galile fop.

Mace 9:31

Kaa koy, yaa wiin waaga a sutooxna, a ndalfooxa o laytaa gon um no caate kaa mbidna maaga fop.

2 Caloori ke 26:15

A fi’a kam Yeerusaleem masiin kaa o yaal-o-and o maak a jalna, da ndoonel took taax-took ke fo no kooñ ke ndax da nqaƴaa a kas fo a ƥil a maak. Gon Usiya a joota koƭu yaam kaa dimle’’el a paax boo neen a saƭkandu maat um.

2 Caloori ke 26:8

Aa-amon we sax kaa ndabdoogatun a bateer. Gon le Usiya a joota boo no ŋat olaa Misira yaam ta jeg’atu doole lool.

YEGIL MBAAX NE YEESU ne Lik a bindtuuna 9:19

A ndoonaan ee: «Leng we kaa layaa yee Saŋ o Paabatiise xe, lakas we a layaa yee Eliya. A jega itam lakas waa na layaa yee o leng no duleer we yaaga xontooxu.»

Hebre 2:4

Na waxtu faaga sax Roog a saƭkanda seede den fo xa anddiloor fo comlaand fo xa qos a pi katil akuu ndefna. A lasta itam ci’it ke no Yiif Tedu le ne ta bugitna.

YEGIL MBAAX NE YEESU ne Lik a bindtuuna 7:17

Ke wiin we a layoogna na Yeesu a nannooxa kam Yudee fo no caate kaa mbidna maaga fop.