Mark 5:13 - NQAARIIT NE ROOG

¹³ A ci’aan a den. Naaga, cini kaa a sutooxa no koor oxaa, a ndok kam a tuul akaa. O siir olaa a dalfooxa o eetatir a pudnand alaa, kam o maag olaa. A jeg’a ngap a tuul cuni ƭik, too fop a meka kam o maag olaa.

Mark 5:13 Referans Kwoze

Ke bindeena no xe ne’eena YOB 2:6

O Yaal oxe a laya a Saytaane yee: «O ten oo xeene, xaƴaaxoong fo ten. Kaa koy, baa o xuuf o ñis um.»

Mbeeñil 20:7

Boo xa kiid juni xe a mbaafna, xan Saytaane a sutel kaso.

Mbeeñil 9:11

A njeg’a koy o maad oxaa fodanna a den no xoox le. Ten reeƭu malaaka fee na ngas fiɗel ale, ne’eena na hebre Abadon soo na gerek ta ne’el Apoliyon.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Mace 8:32

Yeesu a laya a den ee: «Ndetyo!» Cini ke a sutooxa, soo a ndok kam a tuul akaa. O siir olaa a dalfooxa o eetatir a pudnand alaa, kam o maag olaa, soo a saŋkook kam poofi kaa.

Ke bindeena no xe ne’eena YOB 1:12

O Yaal oxe a laya a Saytaane yee: «O ten oo xeene, xaƴaaxoong fo o jeg ole ten fop. Kaa koy, baa o ɓay of a dal took um, ten fa xoox um.» Maaga, Saytaane a inooxa mbaambir no Yaal oxe.

1 Maad we 22:22

A doonaan ee: ‹Xam ret, laynoor duleer we ten fop xa maaƥ.› O Yaal oxe a layaan ee: ‹Kaaga pexey mbaax oo ndax o naxin. Reti o fi naaga!› »

Mace 7:6

Kuu tedna, ba nu cooxin xa ƥox axe, yaam ndik da ngeleeroox, a lisit a nuun, too ba nu ndeɓ xa peme xe nuun mbaambir a tuul ake, yaam ndik da nduut a den.»

Mark 5:12

Maaga, cini kaa a nqeɗooxa a Yeesu yee: «Ɓakandi a in kam a tuul akene, ndax i ndok kam den.»

Mark 5:14

Waa ngayoogna a den a ƈufa kam teeru faa fo kam a saax akaa matna maaga, a mbetandook ke xew’ina. Wiin waa a ndalfooxa o ndet a ƭeetik ke xew’ina.