Mark 4:38 - NQAARIIT NE ROOG

³⁸ Yeesu o mat kaa ɗaanoogu no xoox le no suk ne took hakandax le. Daalbe we ten a yokaan, too a layin ee: «O caajangin oxe, ndax a saŋkax in kaa haalirang?»

Mark 4:38 Referans Kwoze

1 Piyeer 5:7

Ndiiseenoo kuu waagna o jaaxɗandaa a nuun, yaam ten na teeteelaa a nuun.

Hebre 4:15

O saasadax o maak oxe i njegna waagee ñak o xij fa in no neew doole in. O saasadax o maak oxe in a ɗeetlooxe no kuu refna nen a in, ndaa mosee o yen na bakaad.

Mace 8:25

Daalbe we a matiidaan, a yokin, a lay ee: «O Yaal oxe, ƴufgi a in, in we saŋkooxaa kat!»

YEGIL MBAAX NE YEESU ne Lik a bindtuuna 8:24

Maaga, daalbe waa a matiida a Yeesu, a yokin, too a layin ee: «E! E! E! O Caajangin oxe, in we saŋkooxaa kat!» Yeesu a inooxa, a ŋal nqeñ ne fo a yag-ee-yag ake no foofi le, too fop a naag’ata yereŋ.

Hebre 2:17

Ten taxu a wara o nandat fo xa teɓ um, ndax ta ref o saasadax o maak den o kore’u, a may fo o paaxel no calel um paam Roog. Kaa fi’in, ndax ta ñuf a qaw ale na xeet fee yaam pakaad den.

YEGIL MBAAX NE YEESU ne Saŋ a bindtuuna 4:6

A ngas ale Yakoob, maaga a reeƭu itam. Yeesu kaa xij’u bo yaam a ñaaƈ a koƭu le, too a gara a moof paam duutung le na ngas ale, a soƥ njeeƈ ne a fod ndeer xoox.

Esayi 63:15

Me fodoona took asamaan, ɗeeti, no ngenand tedu mosu ne wo, ga’i ke na daliidaa a in. Taa o mbeq o saasu nqe wo boog fa katil fee wo fo o liir ole jegoona? O Yaal oxe, ba o ñak o lal a in o mbeq of,

A ƭomatax ake 3:8

Wuuqaam a wuuq soo ƴufginoox boo torox, ndaa nan-gilooxee a qeƭ es.

Mace 22:16

A lula maa ten daalbe we den fo waa mbogna na qaaj ale Herood ee: «O Caajangin oxe, i anda yee o kiin o booru refo, too kaa o jangnaa a ƭat Roog no ndigil. A ƭat of yongee no leng itam, yaam naagiro o ɗeetaa ne wiin we a nandna.

Mark 4:37

Maaga, a und a maak a yoɗooxa, too a yag-ee-yag ake a yipooxooga kam suk ne boo ta mayat sax.

Mark 4:39

Yeesu a inooxa, a ŋal nqeñ ne, too a lay o maag ole yee: «Naagi tek, too riim!» Nqeñ naa a riima, too fop a naag’ata yereŋ.