Mark 4:31 - NQAARIIT NE ROOG

³¹ Kaa nand fo o xonq seneew olaa andoona yee ye ta duufeel a lanq, ten refu ke moƴna o neew no ax ke fop.

Mark 4:31 Referans Kwoze

A pi ake 19:20

Neene o mat fa lay fee no Yaal oxe a nannoortu fa katil, a lalit doole um tigi.

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

A pi ake 21:20

Ye da nanna kaaga, a simata a Roog. Cinj kaaga, a laya a Pool ee: «O pog in, ga’aa gimu cuni-cuni we inoorna na ƭat ale no Yaawuur we. Boo xaye kaa njaflax den fop no kebil ke Moyiis.

A pi ake 5:14

Mayu a ngimoogata no Yaal oxe, goor fo rew, a ƥaatooxaa no gimu waa.

A pi ake 4:4

Na waxtu faaga, mayu no we nan’ina fa lay fee Roog a ngim’a, boo goor gimu we fop a mbadat ngap cuni ƥetik.

A pi ake 2:41

We njaɓ’ina fa lay um fop a mbatiise’e, too a koom daalbe we a ƥaatoox’a ngap wiin cuni tadik.

Sakari 12:8

A koom, xan o Yaal oxe a saytoox we ngenna Yeerusaleem, too oxe moƴna neew doole na den xan a nand nen a Dawid, soo mbind Dawid a ref nen a Roog, nen malaaka fee no Yaal oxe mbaambir den.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Esayi 60:22

A carind ale moƴna o neew xan a ax wiin cuni-cuni, ale moƴna o hees a refat xeet fa njegu doole. Keene um ñofkaa o fi, mi o Yaal oxe, yaa hap um a fadna.»

Esayi 53:12

Xam cooxin a las um fo kelfa ke, ta xaajir fo we njegna katil kalal ke, yaam a ɓoxotooxa na fa nqon. A ɗeet’e nen saasaay kaa, a gadoox pakaad no wiin mayu, soo a xeɗan we a qaw ale a jagit’ina.

Esayi 53:2

A yoɗooxa mbaambir no Yaal oxe nen dugatin, nen saqit laa na sutooraa no ƭak. Saq’ee njer mbaat o mosel olaa waagna o yul a kid in. Dara fel’ee a in no mem um.

Esayi 9:7

O Yaal oxe a lulta o ñuxur na Yakoob, fa lay um a yen na Isra’el.

Mbeeñil 11:15

Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»

Mark 4:30

Yeesu a dakooxa o lay ee: «Xar i nandanditkaa Maat ne Roog, ndi a naxax alum i mbaagun o laltit?

Mark 4:32

A cinj ye ta duufeena boo a sax, a hupata tuufe-duufe ke fop, too a saxa a naaq a maak boo tiiƭ ke na asamaan a mbaag o ndut yoora yook um.»

YEGIL MBAAX NE YEESU ne Lik a bindtuuna 17:6

Maaga, o Yaal oxe a doona a den ee: «Nu njegangaa o ngim onqaa fodna nen o xonq seneew, nu mbaaga o lay ndaxar neeke yee: ‹Yoɗooxi too sipoox no maag ole›, too yaaga a nanankooga a nuun.