Mark 4:3 - NQAARIIT NE ROOG

³ «Nan-gilooxyo: O tuuduuf sutoox’u a duufik.

Mark 4:3 Referans Kwoze

Saak 2:5

Fog es we fexuuma, nan-gilooxyo a paax: Ndax nu andee yee Roog jilu we adna fee a ƭeetaa nen rool, ndax o ngim den na Yeesu Kiristaa a ref halal den, da njeg maat ne ta regna we mbexuuna?

Mace 13:26

Yaa ɓasi faa a saxna boo a sulit, puulaand kaa a mbeeña itam.

A cangatin ale 4:1

«Ndiiki koy, nuun Ii-isra’el we, nan-gilooxyo ndax nu ngay bargal ke fo kebil ke um jangnaa a nuun. Neene, xan nu ñoowaa soo njang saax le o Yaal oxe Roog fee no daan nuun a ci’na a nuun, nu njegkin.

Mbeeñil 2:29

Oxuu jegna nof, fat a nan-giloox ke Yiif le a layaa pokatax ke no gimu we.› »

Mbeeñil 2:11

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, ñimkee fa nqon fa ƭikandeer faa.› »

Mbeeñil 2:7

Oxuu jegna nof, fat a nan-giloox ke Yiif le a layaa pokatax ke no gimu we: Oxe na maafkaa, xam ci’in ta ñaam no ndaxar ne no ñoow ole refna kam a ƭing ale Roog.› »

A pi ake 2:14

Maaga, Piyeer a inooxa fo apootar xarɓaxay fo leng lakas we, too a faambir fa den, a lay faan laa fo o ñuxur o maak ee: «Nuun wiin we Yudee fo nuun we ngarna Yeerusaleem fop, ngela andyo kene! Mbetyo nof nuun nan-giloox fa lay es!

Mark 4:23

Oxuu jegna nof nanir, fat a nan-giloox!»

Mark 4:14

O tuuduuf oxe, fa lay fee Roog a duufaa.

Mark 4:9

Maaga Yeesu a laya yee: «Oxuu jegna nof nanir, fat a nan-giloox!»

Mace 13:24

Yeesu a dakooxa o coox a den a naxax a lakas too a lay a den ee: «Maat ne na asamaan kaa nand fo o kiin oxaa duufna ax paax kam o qol um,

Mace 13:3

A naxooxa a den tig mayu too a lay ee: «O tuuduuf sutoox’u a duufik.

Esayi 46:12

Nuun we neegna, too nu matee maa o cofel a farna, nan-gilooxaamoo.

Esayi 46:3

Nan-gilooxaamoo, nuun mbind Yakoob, nuun yoqatin we na xeet fee Isra’el, nuun we teeteeluuma yaaga nu numaa, gadoox a nuun yaaga nu sogeel o ndim.

O baawaare xe 11:6

Ten taxu duufi ax of nqes teel, too baa xa ƥay of a ƥutnoox boo yaa Roog a yaarkaa, yaam andiro ke na ñaaƴkaa, kene mbaat kaana, mbaat ƭik ke fop a ñaaƴ.

Xa peƭit axe 8:32

«Ndiiki koy, xa ƥees, nan-gilooxaamoo! We na ndeefaa xa as es a ƭaaya!

Xa peƭit axe 7:24

Ndiiki koy, xa ƥees, nan-gilooxaamoo, ndung nof nuun no ke um layaa.

A kim a tedu ke 45:10

Xa ƥiy xa tew axe no maad we a niwnooraang, lingeer fee geenooxna na ñamaak of a mosandoor wurus fee Ofiir.

A kim a tedu ke 34:11

O ñak fo nqeex njombee yaal kalal ke, we na mbaaƭaa o Yaal oxe o mat, ñakee paax leng.

Mark 4:2

A jangnooga a den na naxax a mayu, too a laya a den na cangin ale ten ee:

Mark 4:4

Ye ta sulaa, a seek a leng no ax ke a sama kam a ƭat ale, soo tiiƭ ke a ngar a ñaamin.