«O tuuduuf sutoox’u a duufik ax um. Ye ta sulaa, a seek a leng no ax ke a sama kam a ƭat ale, wiin we a ndakan, soo tiiƭ ke na asamaan a ngar a ñaamin.
No ndigil, no ndigil, mexe layaa a nuun ee: A refangee kaa mbep a uupoox a lanq boo a xon, sang um a yoqaa, ndaa a xonangaa, a naaga o saqaa xa tim xa mayu.
Ten taxu duufi ax of nqes teel, too baa xa ƥay of a ƥutnoox boo yaa Roog a yaarkaa, yaam andiro ke na ñaaƴkaa, kene mbaat kaana, mbaat ƭik ke fop a ñaaƴ.
Yeesu a dakooxa o lay a den a naxax a lakas alene: «Maat ne na asamaan kaa nand fo poɗaxnir kaa o tew a jangna, a jaxasin fo a saxal a tadak mbiɗel. Naaga, fop a dalfooxa o foɗax.»
Yeesu a dakooxa o coox a den a naxax a lakas, a lay a den ee: «Maat ne na asamaan kaa nand fo o xonq seneew, too o kiin a jangin, a duufin kam o qol um.