Mark 4:20 - NQAARIIT NE ROOG

²⁰ Lakas a ndaawa ax ke nduufeena no lanq paax ke. Den ndefu we na nanaa fa lay fee, a njaɓin, soo a ndimaa: Mbep leng xan a rim qarɓeen tadik, lakas a rim pep qarɓeen ɓetuu fa leng, soo lakas a rim teemeed.»

Mark 4:20 Referans Kwoze

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

YEGIL MBAAX NE YEESU ne Lik a bindtuuna 8:15

Ax ke nduufeena kam lanq paax ke tektu we na nanaa fa lay fee Roog, a njaɓin fo xeeñ letu fo o woor, a ndamin, soo a ndimaa.»

Mark 4:8

A seek a lakas a palakaand ale a sama no lanq paax ke. A maaka, too a sulta. Mbep leng a rima qarɓeen tadik, lakas qarɓeen ɓetuu fa leng, soo lakas a rim pep teemeed.»

Mace 13:23

Ax ke nduufeena kam lanq paax ke tektu oxe na nanaa fa lay fee Roog, too a andin. A naanga o sultaa xa yaƥ, too mbep leng xan a rim teemeed, lakas qarɓeen ɓetuu fa leng, soo lakas a rim qarɓeen tadik.»

2 Piyeer 1:8

Keene fop a jegangaa boo a may na nuun, nqaƴkee a nuun nu tayil boo nu ñak o rim ole inoorna no and o Yaal in Yeesu Kiristaa.

Mberaand 26:12

No hiid olaaga, Isaak a duufa no saax laaga, soo a saxad boo tap um a may, yaam o Yaal oxe kaa barke’un.

O leetar ole Pool a bindna GIMU WE NGENNA ROM 7:4

Neene o mat a reftu na nuun itam, nuun fog we. Nu ƭegoora o kay fo kebil ke, yaam kaa nu mbog no cer ke Kiristaa fee xonna yaam in. Ten taxu, nu ndefanat o lakas, ta ref oxe xontooxna a ndeer no xon we, ndax i sakan a Roog xa tim xa paax.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

Mace 13:8

A seek a palakaand ale a sama no lanq paax ke. A sulta, too mbep leng a rima pep teemeed, mbep lakas a rim pep qarɓeen ɓetuu fa leng, soo lakas a rim pep qarɓeen tadik.

YEGIL MBAAX NE YEESU ne Saŋ a bindtuuna 15:2

O par oluu saxna na mi, soo a fañ o rim, xan a ɗegin. Oluu na rimaa teen koy, xan a calasin, ndax ta moƴ o rim.