Mark 4:17 - NQAARIIT NE ROOG

¹⁷ ndaa njegee a paƴ na den sax sax. Kaa ndef wiin damlooxeer, too koy boo andoona yee o njaaxɗataan mbaat ñagadil a ngara yaam fa lay fee Roog, a naangaan o ndalfooxaa o mbes a cinj.

Mark 4:17 Referans Kwoze

Mace 11:6

Oxuu tolofkeerna yaam mi, a ɗaaya.»

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

Mace 12:31

Ten taxu mexe layaa a nuun ee: Bakaad mbaat wen luu refna a waaga o waasanel o kiin, ndaa oxuu wenna Yiif le Roog waagaand o waasan o ten.

Mbeeñil 2:13

Kaa tee: Andaam me genoona. Ten refu me gamb no maad le Saytaane a refna. Kaa o damoox no gon es, too fañiro o gim na mi. Fañino sax na jamaane fee o seede es o kore’u xe ne’eena Antipaas, a warit’eena me nuun, me Saytaane a genaa.

1Saŋ 2:19

Kam in a sutooru, ndaa mbog’ee na in, yaam a mbog’angaa na in tigi, a yoqkooga fa in. Keene a xewa, ndax ta woor a in ee fop mbogee na in.

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,

2 Timote 4:16

Ye refuuma no nqeloor, o leng fartiraam, fop kaa nqaƴaam, ndaa koy yaasam o Yaal oxe a waasan a den.

2 Timote 1:15

Refee andaa yee Aa-asi we fop a mbesaxam a cinj, boo no goor wene: Figel fa Hermosen.

YEGIL MBAAX NE YEESU ne Saŋ a bindtuuna 8:31

Yeesu a laya Yaawuur we ngimatna no ten ee: «Nu ngenangaa na fa lay es, daalbe es tigi nu ndefu.

YEGIL MBAAX NE YEESU ne Lik a bindtuuna 12:10

Oxuu wenna o Ƥeenqe no kiin oxe, a waage o waasan. Kaa koy, oxuu wenna Yiif Tedu le, waasankaand.

Mace 13:21

Kaa koy, jegee a paƴ no ten sax sax, too jegee ndamlooxand itam. Neene, boo andoona yee o njaaxɗataan mbaat ñagadil a ngara yaam fa lay fee Roog, a naagaan o dalfooxaa o fes a cinj.

Ke bindeena no xe ne’eena YOB 19:28

Nuun o mat, kaa nu laamtooxaa yee: «Nam i ñosombilitkan boo ta waag o lay ndigil ne, yaam a woora yee ten garu fo ke daluuna?»

2 Timote 4:10

Demas kaa xaƴaam, a ret Tesalonik, yaam tig adna a moƴanin. Keresaas a ret Galati, Tiit a ret Dalmati.

Galati 6:12

We andoona yee kaa mbaaƭaa o mbaagir fo wiin we, na seraa a nuun nquc. Keene da mbi’aa fop, kaa mbañaa wiin we a ñaatland a den, yaam ne da ngoolooxna a Kiristaa fee rengeena na kurwaa.

Mark 4:16

Lakas we itam neene: We ndaawna ax ke samna no ƭeŋkeleer ne ndefu we nanna fa lay fee, a njaɓin ndak fo ndak fo o ɗaay,

Mark 4:18

Lakas a ndaawa ax ke nduufeena kam kiƈ ke. Den ndefu we na nanaa fa lay fee,