Mark 3:29 - NQAARIIT NE ROOG

²⁹ Kaa koy, oxuu wenna Yiif Tedu le, waasankaand o ten boo muk. A fi’a bakaad fa ñufkeer boo faw.»

Mark 3:29 Referans Kwoze

YEGIL MBAAX NE YEESU ne Lik a bindtuuna 12:10

Oxuu wenna o Ƥeenqe no kiin oxe, a waage o waasan. Kaa koy, oxuu wenna Yiif Tedu le, waasankaand.

2 Tesalonik 1:9

Xan a qaw den a ref a saŋkax boo faw. Xan a mbildel kaltaa a tagid no Yaal oxe, a ngoƭ o ndam onqe na katil fee ten.

Yudaa 1:13

Kaa nand fo a yag-ee-yag ake no maag ole na ndiñaa a puur. Neene wiin weene a suttaa a pi a cednooxu ke den itam. Kaa nand nen xa qoor xa mo’u. Roog a geekana a den ɓaal-ee-ɓaal le no niɓaan ole boo faw.

Mark 12:40

Kaa njaɓaa ke ñaaw we a njegna fop, a yoonandtin a qeƭ a ciig, ndax da ƭeetel nen jofu. Weene wiin na moƴkaa o ƭomiɗ hate.»

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

Mace 9:3

Took ɗelem laaga, leng-leng no jaajangin waa no kebil kaa Moyiis a laya na yiif den ee: «O kiin oxene a wena a Roog!»

Mark 3:30

Yeesu a layta naaga yaam ne da layoogna yee: «Jini damun.»