Mark 3:20 - NQAARIIT NE ROOG

²⁰ Cinj kaaga, Yeesu a nomtooxiida no mbind naa, too wiin mayu a ndakooxa o mbokatoor, boo Yeesu fo daalbe we mbaag’ee o ñaam sax.

Mark 3:20 Referans Kwoze

Mark 6:31

Wiin mayu kaa ngaroogu, wene a ndetaa, boo njeg’ee sax o daaw olaa da ñaamitna. Kaaga tax’u Yeesu a lay a den ee: «Ngaryo i ndiƈatoox no mbiñ o mbootu, ndax nu mbaag o ñootnoox o ndik.»

YEGIL MBAAX NE YEESU ne Lik a bindtuuna 6:17

Maaga, Yeesu a fudoortiida no joong olaa, a gar no joor fee, a yoon fo apootar we ten. Daalbe mayu fo wiin lakas mayu a inooriid’a muu refna na Yudee fo na Yeerusaleem boo no teeru maak kaa Tiir fa Sidoŋ a ndabiid a Yeesu.

Mark 9:28

Yaa Yeesu a rokna no mbind naa, daalbe we soom a ngara, a laamtin ee: «Xar taxu i mbaag’ee o ndax jini feene?»

Mark 7:17

Yaa Yeesu a inooxna maa no wiin mayu waa, a rok kam mbind naa, daalbe we ten a laamtaan kaa farna na naxax aleene.

Mark 3:9

Maaga, Yeesu a hebla daalbe we ten da mbaaƭanin suk ndeɓ, ndax wiin mayu waa ndakkiran,

Mark 3:7

Yeesu a riƈatooxa fo daalbe we ten, a xot farna fa ƥeeraamb alaa no Maag olaa Galile, too wiin mayu a ndeefanaan. Kaa inoortiidoogu Galile fa Yudee

Mark 1:45

Kaa koy, o kiin oxeene a reta muu refna, a yegnitik ke ta fi’an’eena. Yaam keene, Yeesu waag’atee o feeñ kam teeru ke. Kaa sutooxoogu tafil, a ret no mbiñ o mbootu, soo wiin we a inooraa muu refna, a ngaraa me ten.

Mark 2:1

Na pe akaa ndoonooxna, Yeesu a nomtooxiida na teeru faa Kapernawum, too wiin waa a nana yee oxaa no mbind naa.

Mark 3:19

fa Yudaa o Iskariyot oxe na retkaa a ɓoxot a Yeesu.