Mark 2:27 - NQAARIIT NE ROOG

²⁷ Yeesu a layahina a den ee: «Bes fee na ñootnax ale, o kiin taxu ta fi’el, refee yee o kiin fi’e yaam bes fee na ñootnax ale.

Mark 2:27 Referans Kwoze

Kolos 2:16

Ten taxu koy, ba o leng a ɓanj a nuun yaam ñaamel fo yerel, ba o leng a ɓanj a nuun yaam xew mbaat ke na fi’aneel o nqool o ndeɓ mbaat pes ke na ñootnax ale.

YEGIL MBAAX NE YEESU ne Lik a bindtuuna 6:9

Yeesu a laya a den ee: «Kaam laamtaa a nuun: Xar a ƭat ale in a simtu? O fi paax na bes fee na ñootnax ale ndi o fi paaxeer? O mucil o kiin ndi o saŋkin?»

A cangatin ale 5:14

Ñaal ɓetuu ƭikandeer ne koy, bes a ñootnax es oo, mi o Yaal oxe Roog of. Wariro jal teen tus, wo fo o ƥeef o ngoor mbaat o ƥeef o ndew mbaat surga of mbaat o mbindaan of mbaat qoox of mbaat o faam of mbaat njegel of nuu ta waagna waag o ref mbaat o gataakoon ole refna no mbind of, ndax surga of fo o mbindaan of a mbaag o ñootnoox nen a wo.

Heseki’el 20:12

Cooxaam a den itam pes a ñootnax ke mi nen o anddiloor a ndeer es fa den, ndax da and ee mi refu o Yaal oxe na tedlandaa a den.

Esayi 58:13

O Yaal oxe kaa tee: «Boo fañoona o yapatil bes fee na ñootnax ale, ndax ƴufankiro ke feloonga na bes fa tedu fee mi, o xoyangaa bes fee na ñootnax ale bes o ɗaay, ɓoxot bes fee kesaneema o ndam, fañ o jaltin, fañ o ƴufan ke feloonga soo fañ o ñimatireel teen xa koɓong,

Heseki’el 20:20

Tedlandyo pes a ñootnax ke mi, too xan a ndef a ndeer es fa nuun o anddiloor olaa na lalitkaa yee mi refu o Yaal oxe Roog nuun.

A sutax ale 23:12

Nu njega pes ɓetuu fa leng kaa nu ci’eena o mbi calel nuun, ndaa na bes fa ɓetuu ƭikandeer fee koy, nu mbara o ñootnoox, ndax qoox nuun fo xa paam nuun a njeg a ñootnax, soo xa ƥiy axe no jeefeer nuun fo xa kataakoon axe a ƥutnoox.

YEGIL MBAAX NE YEESU ne Saŋ a bindtuuna 7:23

Nu naangangaa o nqucaa o kiin na bes fee na ñootnax ale, yaam ndik kebil ke Moyiis a ƭapel, xar taxu nu mbuuxanaam yaam ne wodanduuma o kiin bo tee ceŋ na bes fee na ñootnax ale?

2 Korint 4:15

Keene fop xan a jeg yaam nuun, ndax yirmande fee Roog a moƴ o siw took no moƴ-o-jaak ole no wiin we, ndax ta riñ a den da ngidmaa a Roog yaam o ndam um.

A cangatin ale 5:12

Gayi bes fee na ñootnax ale, ndax o tedlandin, ne heblitoonga o ten, mi o Yaal oxe Roog of.

Mark 2:28

Ten taxu, o Ƥeenqe no kiin oxe refu oxe hame’na bes fee na ñootnax ale.»