Mark 2:20 - NQAARIIT NE ROOG

²⁰ Ñaal ke o kor-no-kulook oxe a refkateerna fa den owe ngaraa, too a koom xan a ngoor.

Mark 2:20 Referans Kwoze

YEGIL MBAAX NE YEESU ne Lik a bindtuuna 17:22

Cinj kaaga, a laya daalbe waa yee: «Xan a jeg a pe akaa nu mbugkaa o nga ñaal leng no Ƥeenqe no kiin oxe, too nu mbaagkiran o nga.

Mbeeñil 21:9

Cinj kaaga, fa leng no malaaka ke saq’ina fo ndog ɓetuu ƭik ne yip’ina taamaala ɓetuu ƭik palakaand ke, a gara a layaam ee: «Gari boo um lalong o toog oxe refna o Kulook no Mbaal onqe.»

Mbeeñil 19:7

Fat i mbelakinoox, too ƭaay! Kaam ee, fat i simatin, yaam ngulook ne no Mbaal onqe a fadiida, too o toog um a jagandooxa boo a ƴut.

2 Korint 11:27

Kaam genit calel fo coono, genit ƭaanar fo nqeex fo a koɗom. Kaam ñakoogu ñaamel, jogoñeel, ɓaŋdeel.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

1 Korint 7:5

Ba o leng a goƭ o lakas oxe, a refangeerna kaa laytin, yaa da mbugna o nqeɗ. Cinj kaaga, fat a ndakoox na yoon, yaam ne da mbaagkateerna o ngarin a qoox den, soo Saytaane a rokatiloox, a fog a den.

A pi ake 14:23

No mbokatax no gimu nuu refna a njilana a den maak. A cinj ye da ngoorna, a nqeɗ boo a ƈut, a mbokata a den fo o Yaal oxe da ngim’atna.

A pi ake 3:21

Ndiiki koy, Yeesu a wara o moof na asamaan boo na jamaane faa Roog a xembandatinkaa fop, ne ta layit’uuna yaaga, a reefandin no duleer tedu we ten.

A pi ake 1:9

Cinj yaa Yeesu a layna kaaga, a dalfooxa o yoɗoox na kid den, too ye da ƭeetan, eel a singaan.

YEGIL MBAAX NE YEESU ne Saŋ a bindtuuna 17:13

Ndiiki koy, mexe hebooxaa me wo, maad o laytaa keeke na adna fee, ndax da may fo o ɗaay es.

YEGIL MBAAX NE YEESU ne Saŋ a bindtuuna 17:11

Refatiim na adna fee, too den o mat, owe na adna fee. Ndiiki mexe garaa na wo. Faap fa Tedaan fee, koo xoxtiti a den doole fee no gon of, gon leene ci’axamoona, ndax da mbokatoor, a ndef o leng nen a in.

YEGIL MBAAX NE YEESU ne Saŋ a bindtuuna 16:28

Kaam inoor na Faap fee, gar na adna, ndiiki, um nar o sutoox na adna fee, ret maa na Faap faa.»

YEGIL MBAAX NE YEESU ne Saŋ a bindtuuna 16:7

Ndigil kak layum a nuun toox: Ke moƴna na nuun, um ret, yaam um retangee, o Yaayaal oxe garkee me nuun. Um retangaa koy, xam lultiidin a nuun.

YEGIL MBAAX NE YEESU ne Saŋ a bindtuuna 13:33

Nuun we xa teɓandoong es, miñkatiim dara fa nuun. Xan nu mbaaƭaam, too ne laytanuuma Yaawuur we, mexe layaa a nuun itam ee: Nu mbaagkee o ndet me um jofaa.

YEGIL MBAAX NE YEESU ne Saŋ a bindtuuna 3:29

O kor-no-kulook oxe jegu o kulook oxe, ndaa xaariit fee ten na diikooxan soo a geenoox, a naaga o jegaa o ɗaay o maak, yaa ta nanna o ñuxur um. Neene koy, o ɗaay ole mi a nandu, too ten taxu ta may boo a ɓaxoox.

Mace 26:31

Maaga, Yeesu a laya a den ee: «No yeng olene, nuun fop xan nu mbesaam a cinj ne a Pind a Tedu ke a laytuuna yee: ‹Xam war o kaynaak oxe, too xan paal ke no ged le a pictoor.› »

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Esayi 62:5

Iyo, ne o fes a gilgitaa o njaaƈ o ndoog, neene mboƥ ne wo a njegitkang. Ne o kulook a ɗaaynoortaa o kor um itam, neene o refitkaa o ɗaay no Yaal oxe.

Esayi 54:5

Oxe sakoonga refu o kor of, oxe gon um a refna o Yaal oxe Hupna fop. O Tedu xe Isra’el refu o baawat of, ten fee na xoyeel Roog fee no lanq ke fop.

A kim ale na kim ake 3:11

Nuun roog we Siyoŋ, sutooxyo mbuud o maad Salomo fee saqna o ndip onqe ya um a rokan’uuna na bes fee no ngulook um, bes fee xeeñ um a may’ina fo o ɗaay.

A kim a tedu ke 45:11

Ndoog, rungi nof of, ɗeet too nan-giloox a paax. Weecti xeet of fo mbind faap of.

2 Korint 6:5

Kaa i nqawel, mbegel kaso, wiin mayu a sii’nel a in, i nqijlandel, ƭaanarel, nqeexel.

YEGIL MBAAX NE YEESU ne Saŋ a bindtuuna 12:8

Rool we owe fa nuun bes fuu refna, ndaa mi o mat, refkiim fa nuun boo faw.»

Mace 9:15

Yeesu a doona a den ee: «Ndax we na ngulookaa a mbaaga ñak o sawar yaa o kor-no-kulook oxe a refna fa den? Ñaal ke o kor-no-kulook oxe a refkateerna fa den owe ngaraa, too yaaga xan a ngoor.

Mark 2:19

Yeesu a doona a den ee: «Ndax nu mbooga yee we na ngulookaa a mbaaga o ngoor yaa o kor-no-kulook oxe a refna fa den? Ha’aa muk! Mbaagee o ngoor yaa o kor-no-kulook oxe a maadna o refaa fa den.

Mark 2:21

O leng kacitkee ndoki nogoyu o seegiit o xas. A fi’angaan, xan o seegiit ole a ɓisloox a seek no ndoki ne, too yaaga xan o quuy ole a ɓaatoox.

YEGIL MBAAX NE YEESU ne Lik a bindtuuna 5:35

Ñaal ke o kor-no-kulook oxe a refkateerna fa den owe ngaraa, too no ñaal kaaga, xan a ngoor.»