Neene itam, mexe layan a nuun ee: Xan a jeg o ɗaay olaa moƴna o magin na asamaan yaam o paabakaad o leng kut oxaa fesna pakaad um a cinj ee o ɗaay ole no wiin qarɓeen ɓetuu nahuk fo wiin ɓetuu nahuk waa soxla’eerna o mbes pakaad den a cinj.»
Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.
ndaa a doona a faap um ee: ‹Xa kiid xa mayu xey, axaa um jalanang. Mosiim o ñak o fi ke layaxamoona, too mosiraamo o coox sax o mbambe nqaa bumbaaytuuma fo qaariit es.
O Yaal oxe kaa tee: «Ngaryo i layoor. Pakaad nuun a yaxgangaa nen fo’oy, xan a ndanig taw nen galam fo jem, a yaxgangaa coy, xan a ndanig fur nen fa liit.
Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.
«Mbootooxyo o nqeef o leng na xa teɓandoong axene. Mexe layaa a nuun ee: Waxtu fuu refna malaaka kaa den ndefna kam asamaan kaa nga’aa a tagid Faap es fee na asamaan. [
Kaa koy, kaam eet o waare we ngenna Damaas fo we Yeerusaleem. Cinj kaaga, waare’aam we ngenna no jegel olaa Yudee fop fo we mbogna no qeet lakas ke. Xeɗaam a den da supit o ñoowooƭ, a nomtoox farna fa Roog, too a mbi’aa a pi akaa lalitna yee a suptooxa tigi.