Mark 16:6 - NQAARIIT NE ROOG

⁶ Kaa koy, o fes olaa a laya a den ee: «Ba nu ndiid, Yeesu o Naanasaret oxe rengeena na kurwaa nu mbaaƭaa, a xontooxa, refatee mene. Ngaryo nga me ta wondin’eena!

Mark 16:6 Referans Kwoze

YEGIL MBAAX NE YEESU ne Lik a bindtuuna 24:46

A laya a den ee: «A binde yee Kiristaa fee a wara o coono, a xontoox a ndeer no xon waa no ñaal ndadkandeer naa,

A pi ake 4:10

Andyo kene boog nuun fop, too fat xeet fee Isra’el fop a andin itam! Na pexey gon le Yeesu Kiristaa o Naanasaret oxe o kiin oxeeke geenooxna mbaambir nuun a jegtu o wod-fo-ɓaal. Yeesu feene mat nu ndengu took a kurwaa, ndaa Roog a xontooxnooraan a ndeer no xon we.

Xa peƭit axe 8:17

Kaam fex we mbexaxama, too we na mbaaƭaxam kaa nga’axam.

Mark 1:24

a lay ee: «Yeesu o Naanasaret oxe, xar i nqetu? Ndax kaa o saŋkiid a in? Andaam oxe refoona: Wo refu o Tedu xe hatna na Roog.»

Mace 12:40

Ne Yoona a refit’ina no fud liƥ maak boo a jeg ñaal tadik fo xa yeng den, neene o Ƥeenqe no kiin oxe a refitkaa kam lanq ke boo a jeg ñaal tadik fo xa yeng den.

A kim a tedu ke 71:20

Xettaam naqad fo taamaala pagkatar yaam wo, ndaa xan o nomtaam o ñoow ole. Xan o inatintaam no qooƭ ke no lanq ke,

Mark 10:34

Xan a nqaadnooxin, a nduxdin, a nqawin xa cap, soo a mbarin, ndaa cinj ñaal tadik xan a xontoox.»

Mark 1:27

Wiin waa fop a ndiid’a, a ndefat no laamtiraa yee: «Xar kene? A cangin a qas alaa yoonna fa sañ-sañ! O kiin oxene kaa heblaa cini ke sax, too kaa nananan.»

Mark 9:15

Yaa wiin waa a nga’na a Yeesu, a njaaxiɗ’a, too a ƈufiida ndax da simnin.

Mark 14:33

A ɓislooxa a Piyeer fa Saak fa Saŋ. A dalfooxa o naqadiloox, a jaaxiɗ,

A pi ake 2:24

Kaa koy, Roog a xontooxnooraan, too a muclin na xa ƭomel axe fa nqon a ataa, yaam fa nqon waag’iran o jeng na sañ-sañ um.