Mark 16:19 - NQAARIIT NE ROOG

¹⁹ Yaa o Yaal oxe Yeesu a layna a den naaga boo a ƴut, Roog a yoɗaan na asamaan, a moofnin na ñamaak um.

Mark 16:19 Referans Kwoze

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Hebre 1:3

O ten refu o ɗeendoor ole na feeñlaa o ndam onqe Roog. O ten rek laltu ke Roog a refna deŋ, a saytoorit itam ke sakeena fop fa lay fa njegu doole fee ten. Cinj ye ta xoolandna wiin we no pakaad den, a reta na asamaan, a moof na ñamaak Roog fee refna doole fa mbagkatar.

Hebre 12:2

Fat a kid in a ngaan na Yeesu fee geeninna o ngim in no kaa xotitna no mberaandoong naa boo no muukandoong naa. A softa o ɗaay ole ta geekan’eena fa nqon took a kurwaa, too ɗeetee gaci fee refna teen. Ndiiki koy, oxaa moofa na ñamaak gamb no maad le Roog.

O leetar ole Pool a bindna GIMU WE NGENNA ROM 8:34

Yaaga boog, an saɗu maal a den? O leng, yaam Kiristaa Yeesu a xona, too kaa hupna keene a xontooxa. Ndiiki, kaa moof na ñamaak Roog, a xeɗanaa a in.

A kim a tedu ke 110:1

A kim a tedu laa fogna na ke Dawid oo. O Yaal oxe a laya o Yaal es ee: «Moofi na ñamaak es, boo yaa fi’uuma fañ we wo me o dakaa.»

A pi ake 2:33

Roog a yoɗaan fo a ñamaak um, ta daawit na Faap fee Yiif Tedu le regit’eena. Yeesu a fudniidaan, ne nu nga’tan fo ne nu nantan.

Hebre 8:1

Keeke refu ke moƴna o jeg o njiriiñ no ke i layaa: O saasadax o maak o nandu neene i njegu. Oxaa moofa na asamaan, na ñamaak gamb no maad le Roog fee refna katil fee hupna fop.

Kolos 3:1

Nu nqontooxa fa Kiristaa, mbaaƭyo boog ke refna took, maa ta moofna na ñamaak Roog.

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

Hebre 6:20

Yeesu eetu o rok a in maaga, too in sax a rokanu nen o saasadax o maak oxaa na refkaa boo faw ne ta ɗaapit’eena na Melkisedek.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

YEGIL MBAAX NE YEESU ne Saŋ a bindtuuna 6:62

Ii, nu nga’angaa o Ƥeenqe no kiin oxe a ŋaay, a nomtooxaa maa ta reeƭna koy?

YEGIL MBAAX NE YEESU ne Lik a bindtuuna 9:51

Yaa jamaane faa Yeesu a war’ina o inoor na adna fee, a ret na asamaan a matiidna, Yeesu a hebooxa o ret Yeerusaleem.

Hebre 9:24

Yaam Kiristaa rokee no Mbind tedu naa o ɓay no kiin a jalna, a ref nitaale’ir no ndiindigil ne. Na asamaan sax sax a roku, ndax ta geenooxan a in ndiiki mbaambir Roog.

Hebre 7:26

Yeesu refu boog o saasadax o maak oxe i soxla’na: Kaa fel a Roog, mosee o fi paaxeer leng, too bakaad refee no ten. Roog kaa xaajin fo baabakaad we, soo a ŋaaynin took-ee-took asamaan.

Hebre 4:14

Fat i saƭik boog no ngim onqe i mbeejlaa, yaam i njega o saasadax o maak oxaa hupna fop. Ten refu Yeesu o Ƥeenqe Roog, o ten oxe ŋaayna boo paam Roog.

A pi ake 3:21

Ndiiki koy, Yeesu a wara o moof na asamaan boo na jamaane faa Roog a xembandatinkaa fop, ne ta layit’uuna yaaga, a reefandin no duleer tedu we ten.

YEGIL MBAAX NE YEESU ne Saŋ a bindtuuna 21:22

Yeesu a layaan ee: «Um bugangaa ta ñoowaa boo yaa um garkaa, xar warong teen? Wo kañ, reefaam rek!»

YEGIL MBAAX NE YEESU ne Saŋ a bindtuuna 21:15

Yaa da ñaktooxna boo a ƈut, Yeesu a laamta a Simoŋ Piyeer ee: «Simoŋ, o ƥiy Saŋ, ndax o mbeq of fa mi hupu o mbeq no weeke fa mi?» A doonaan ee: «Iyo moos, o Yaal oxe, andaa yee fexaaxoong.» Yeesu a layaan ee: «Topatooxi fo mbaal es.»

YEGIL MBAAX NE YEESU ne Saŋ a bindtuuna 17:13

Ndiiki koy, mexe hebooxaa me wo, maad o laytaa keeke na adna fee, ndax da may fo o ɗaay es.

YEGIL MBAAX NE YEESU ne Saŋ a bindtuuna 16:28

Kaam inoor na Faap fee, gar na adna, ndiiki, um nar o sutoox na adna fee, ret maa na Faap faa.»

YEGIL MBAAX NE YEESU ne Saŋ a bindtuuna 13:1

Yaa Xew faa na colandax alaa a faambnooxna, Yeesu a anda yee waxtu um a fadiida, ta war o inoor na adna feeke, a jof maa Faap um. Ne ta fexna wiin um we na adna fee, a fadnatina o mbeq um fa den.

Mark 16:20

Daalbe waa a ndeta, a mbaare’ik Yegil mbaax ne muu refna. O Yaal oxe a jalooga fa den, a laltaa yee waare den ndigil kak oo na pexey xa anddiloor axe ta yoonandtooguuna.]

YEGIL MBAAX NE YEESU ne Lik a bindtuuna 22:69

Kaa koy, no ke xotitna ndiiki, o Ƥeenqe no kiin oxe xan a moofik na ñamaak Roog o Yaal katil.»

A pi ake 1:22

no kaa xotitna yaa Saŋ a batiise’uuna boo a koom alaa ta yoɗteena a ndeer in, yaam a wara o jeg oxaa refna fa in nen o seede xaa na laytaa a qontax ale ten.»