Mark 16:18 - NQAARIIT NE ROOG

¹⁸ Boo da ndamna ƥood na xa ƥay den mbaat da yer kaa jegna daŋat, dara damkee a den. Xan a ndoon xa ƥay den took jiru we, too weene xan a mbod.»

Mark 16:18 Referans Kwoze

YEGIL MBAAX NE YEESU ne Lik a bindtuuna 10:19

Nan-gilooxyo: Ci’aam a nuun sañ-sañ faa nu ñaaƴtaa took ƥood ke fo a beex ake fa katil ke no pañ oxe fop, too dara waagkee o gaañ a nuun.

A pi ake 19:12

Neene koy, jiru we a ƥisiidooge xa seegit fo a naf akaa nduq’ina cer ke Pool. Maaga, a mbodooga na cir ake da ndefit’ina, too cini ke a sutooxooga na den.

A pi ake 4:30

Letni o ɓay of, ndax jiru we a mbodandeel, xa anddiloor fo comlaand a nqew no gon Yeesu fee o tag o tedu xe wo.»

A pi ake 3:16

Katil fee no gon le Yeesu saƭkinu o koor oxeeke nu nga’aa, too andin. Ne ta gimna no gon le Yeesu o mat taxu ta wod boo ceŋ mbaambir nuun, nuun fop.

A pi ake 9:34

Piyeer a layaan ee: «Enee, Yeesu Kiristaa a wodandaang. Inooxi doran a xoox of njong of!» Ndak fo ndak, a inooxa.

A pi ake 3:12

Ye Piyeer a ga’na kaaga, a laya xeet faa yee: «Nuun wiin we Isra’el, xar taxu nu njaaxiɗ no kene? Xar taxu nu naang a in jak a kid, wee ndax na sañ-sañ a qoox in mbaat na teef ale i ndeefaa a Roog i ñaaƴnoortu o qoyene?

Mark 5:23

too a ref no xeɗan ee: «O ƥees o ndew onqaay a meeñaa. Gari doonin xa ƥay of, ndax ta wod, too a ñoowatin!»

A kim a tedu ke 91:13

Xan o ñaaƴaa took njogoy fo sax, dakaa o njogoy o njanglax fa Niŋki-naŋka.

O leetar ole Pool a bindna GIMU WE NGENNA ROM 16:20

Roog fee na ci’taa jam, xan a duguñ a Saytaane ɗuga a caf nuun no miñeer. Yaasam yirmande fee no Yaal in Yeesu a ref fa nuun.

1 Korint 12:9

o lakas a danqel o ngim. Keene fop koy, Yiif leng kut le na ci’tan. A jega itam oxaa ci’eena a waag o wodand jiru na pexey Yiif leng le,

A pi ake 4:10

Andyo kene boog nuun fop, too fat xeet fee Isra’el fop a andin itam! Na pexey gon le Yeesu Kiristaa o Naanasaret oxe o kiin oxeeke geenooxna mbaambir nuun a jegtu o wod-fo-ɓaal. Yeesu feene mat nu ndengu took a kurwaa, ndaa Roog a xontooxnooraan a ndeer no xon we.

A pi ake 4:22

O koor oxe wodand’eena no anddiloor olaaga a hupiɗ’a xa kiid qarɓeen nahik.

Mberaand 3:15

Xam ɓek njofooraƭar ndeer of fo o tew oxe, ndeer we mbaqaqoorna na wo fo we mbaqaqoorna no ten. Xan oxe faqaqoorna no ten a gef xoox of bo tee rip, soo wo o gaañin no faaɗ.»