Mark 16:15 - NQAARIIT NE ROOG

¹⁵ Yeesu a laya a den ee: «Ndetyo kam adna fee fop, mbaare’ik we mbindeena fop Yegil mbaax ne.

Mark 16:15 Referans Kwoze

Mace 28:19

Ndetyo mbi’ik qeet ke fop daalbe. Mbatiise’yo a den no gon le na Faap fee fo Ƥeenqe fo Yiif Tedu le,

Mark 13:10

Yegil mbaax ne xan a eet o waare’el qeet ke fop.

A pi ake 1:8

Kaa koy, xan nu ndaaw doole, yaa Yiif Tedu le a fudooxkaa took nuun, too xan nu ndef seede es, layaa kaa jofna na mi kam Yeerusaleem, kam o jegel olaa Yudee fop, kam saax laa Samari, boo no cat adna.»

A kim a tedu ke 96:3

Lambinyo o ndam um a ndeer a saax ake, com’andtu ke ten a ndeer qeet ke fop,

1Saŋ 4:14

In o mat, i nga’a, too seede’aa a nuun ee: Faap fee a luliida o Ƥeem ta ref o Muumucil adna.

YEGIL MBAAX NE YEESU ne Saŋ a bindtuuna 15:16

Refee koy ee nuun njilaxam, ndaa mi jilu a nuun, doon teen dalin a nuun, ndax nu saqik xa tim, xa tim axe a ngen na nuun, ndax kuu nu nqeɗna a Faap fee no gon es, ta ci’in a nuun.

YEGIL MBAAX NE YEESU ne Saŋ a bindtuuna 20:21

Yeesu a dakooxa o lay a den ee: «Jam fa nuun! Ne Faap fee a lultaxama, mi itam, mexe lultaa a nuun neen.»

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

O leetar ole Pool a bindna GIMU WE NGENNA ROM 10:18

Kaam laamtaa boog: Ndax kaa nan’ee yegnit neene? Aha kañ! A nanaan tigi! Yaam a Pind a Tedu ke sax a laya kaa jofna teen ee: «Xa ñuxur den a njoota boo me lanq ke a ndayna, fa lay den a nannoox boo no cat adna.»

A kim a tedu ke 22:27

We neewandooxna xan a ñaam boo a ngiñ, we na mbaaƭaa o Yaal oxe xan a simatin. «Yaasam nu ñoowaa boo kili!»

Esayi 45:22

Nuun we ngenna no cat adna, ngeleerooxyo me mi too njaɓ o muclel, yaam mi refu Roog, too jegee fa lakas.

Mbeeñil 14:6

Cinj kaaga, ga’aam malaaka fa lakas faa na yetaa ndeer asamaan fee. Kaa saq’u Yegil mbaax naa faafkeerna muk, ndax ta yegnin we ngenna na adna fee, na xeet fuu refna fo no tim oluu refna fo na lak fuu refna fo no saax luu refna.

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

Efees 2:17

Neene, Kiristaa kaa gar, a yegnitiid Yegil mbaax ne na ɓisiidaa jam. Kaa yegnin a nuun, nuun we ndefeerna Yaawuur, too ngoƭ’u a Roog, a fi’anin Yaawuur we mat’uuna itam.

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

A kim a tedu ke 98:3

A wetandooxa o mbeq um fo ngor um no mbind Isra’el. Cat ke no lanq ke fop a nga’a a muc ale hatna na Roog in.

Esayi 52:10

O Yaal oxe kaa lalaa qeet ke fop o ɓay o tedu le ten, too a muc ale Roog in xan a feeñ boo no cat adna.

A pi ake 1:2

boo neen Roog a yoɗun na asamaan, cinj ye ta cooxna apootar we ta jil’ina bargal ke ten na pexey Yiif Tedu le.