Mark 15:46 - NQAARIIT NE ROOG

⁴⁶ Yoseef a jika njoor, a fudin a Yeesu na kurwaa le, a laxasin o ten, soo a ɓekin kam a mboy alaa sexeena no ɓil. A berenga ɓil maak, ndax ta wegtin ndokand naa na mboy alaa.

Mark 15:46 Referans Kwoze

Esayi 53:9

A gase a ndeer no soxodu we, a mboy um a ref ale no yaal halal. Ten koy, mosee o fi bakaad fa leng, too o leng mosee o nan xa maaƥ a sutooraa no don um.

YEGIL MBAAX NE YEESU ne Saŋ a bindtuuna 11:38

Cer ke Yeesu a ndakooxa o naang dayum, ta xot a ƭat, a waaƭooxanik poy kaa. A mboy alaa luf a reeƭu no ɓil maak, a wegtel ɓil lakas.

Esayi 22:16

‹Xar jego mene, ndi xar fogtee meen boo gasnaa mene a mboy of? A mboy of aley gaseel took, woxey sexnaa ngenand mbalakaand of no ɓil le.

YEGIL MBAAX NE YEESU ne Lik a bindtuuna 23:53

A fudnaan na kurwaa le, a laxasin fo njoor, soo a ɓekin kam a mboy alaa sexeena no ɓil, maa o leng a ɓek’afulaandeena.

Mace 28:2

Maaga, lanq ke a yo’nooxa, yaam malaaka no Yaal oxe kaa fudoortiid’u na asamaan. A berenga ɓil laa weg’ina a mboy alaa, too a moof took um.

Mark 15:45

Yaa ta wooruuna yee a xona, a ɓoxota a Yoseef o dal olaa.

Mark 15:47

Mari-Magdala fa Mari fee ya Yoose a ƭeetooga me ta geekeena.

YEGIL MBAAX NE YEESU ne Saŋ a bindtuuna 11:41

Ɓil laa a dalfooxe o watin, Yeesu a daxaaƴoox, a lay ee: «Faap, mexe gidmang, yaam jaɓaa a qeƭ es.

YEGIL MBAAX NE YEESU ne Saŋ a bindtuuna 20:1

No mbuyukuun naa na diiboor faa, a soƥ tige a maad o niɓaanaa, Mari-Magdala a reta na mboy alaa, a ga ɓil le a mboy ale a wegit’eena a watnel.