Mark 15:43 - NQAARIIT NE ROOG

⁴³ Yoseef fee genna Arimate, too a ref o koor o niwe no Mal maak naa a gara. Ten fa xoox um itam kaa cungoogu Maat ne Roog. A jeg’a njambaar naa ta retitna maa Pilaat, ndax ta xeɗin o dal ole Yeesu.

Mark 15:43 Referans Kwoze

YEGIL MBAAX NE YEESU ne Lik a bindtuuna 2:38

Yaa ta fadiidna ten itam na waxtu faaga, a simatooga a Roog, too a layaa kaa farna na Yeesu paam wiin we cungoogna a bat ale Yeerusaleem.

YEGIL MBAAX NE YEESU ne Lik a bindtuuna 2:25

A jeg’a Yeerusaleem o koor o ne’e Simewon. O kiin oxaaga a jof’a, too a saɗar’a a Roog. A cungooga Isra’el a yaalel. Yiif Tedu le a reeƭa fo ten,

A pi ake 17:12

Wiin mayu no Yaawuur we a ngim’ata. A ndeer no Geegeres waa itam rew maak mayu fo goor mayu a ngima.

YEGIL MBAAX NE YEESU ne Saŋ a bindtuuna 19:38

Ye keene a xewna, Yoseef fee genna Arimate, too a reeƭu o taalbe Yeesu na pet, yaam a saɗar’u Yaawuur we, a reta maa Pilaat, ndax ta ci’in ta xendand o dal ole Yeesu. Pilaat a ci’aan o ten, too a gara, a xot o dal ole.

Mace 27:57

No kirand naa, o kiin o cegu halal oxaa gen’ina Arimate too a ne’el Yoseef a fadiida. Ten itam o taalbe Yeesu a reeƭatu.

Filip 1:14

Ke jengeema sax kaa tax moƴ-o-jaak ole no fog gimu we in a soɗoox njambaar. A ndamooxata tigi no Yaal oxe, a yegnitaa fa lay fee Roog, a mbaas caƭar.

A pi ake 13:50

Yaawuur waa a soobooga rew maak waa saɗar’ina a Roog fo wiin maak waa na teeru faa, ndax da ñagadil a Pool fa Barnabaas, soo a ndaxit a den no fiisel den.

Mark 14:54

Piyeer a reefana a Yeesu, a danganin o ndik boo no maax olaa no saasadax o maak oxaa. Maaga, a moofa fo yeeyetax waa, too a raƭooxooga paam fiɗel laa.

Mace 20:16

Neene we mbalakna ndiiki a ndefitkaa we adooxna, soo we adooxna ndiiki a ndefat we mbalakna.»

Mace 19:30

Mayu no we adooxna ndiiki xan a ndef we mbalakna, too mayu no we mbalakna ndiiki xan a ndef we adooxna.»

Mark 15:44

Fa nqon fa ñofu fee Yeesu a bet’a a Pilaat. A xoya o aa-adax oxaa no xiixire teemeed waa, soo a laamtin ndax Yeesu a miñ’a o xon.

YEGIL MBAAX NE YEESU ne Lik a bindtuuna 23:50

A jeg’a oxaa fog’ina no Mal maak ne, a ne’el Yoseef, a gen na teeru faa Arimate kam Yudee. O koor o paax a reeƭu, too a jof. A cungooga Maat ne Roog. Jaɓ’ee ke wiin lakas we no Mal maak ne a mbexey’ina fo ke da mbi’’ina.